Vlorë – Një autobus i transportit publik është përfshirë nga flakët mbrëmjen e sotme në qytetin e Vlorës.
Siç shihet nga pamjet e siguruar nga Abcneës.al, autobusi ka marrë flakë në pjesën e pasme, ku edhe ndodhet motori. Deri më tani nuk është raportuar për të lënduar por vetëm për dëme materiale në autobusin e përfshirë nga flakët.
Zjarrfikësit kanë bërë të mundur shuarjen e flakëve, ndërsa policia ka shkuar në vendin e ngjarjes duke krijuar edhe një perimetër sigurie.
Njoftimi i policisë:
Më datë 20.03.2021, rreth orës 18:20, në lagjen “28 Nëntori“, Vlorë, një autobus i linjës së qytetit, me drejtues shtetasin P. A, në ecje, ka marr flakë, ku si pasojë ka vetëm dëme materiale.
Nga hetimet paraprake dyshohet se mjeti ka marrë flakë si pasojë e një shkëndije elektrike.
Grupi hetimor ndodhet në vendngjarje dhe po punon për zbardhjen e plotë të ngjarjes./abcnews.al/
