Qeveria po vendos me një tender korruptiv dhe të panevojshëm për monopolin e kontrollit të faturimit mbi biznesin, duke rritur kostot nga 600-1000 euro për çdo biznes. Është ky denoncimi i radhës nga selia e Partisë Demokratike.
Demokratët i janë rikther një denoncimi të bërë tre vjet më parë.
“3 vjet më parë Partia Demokratike zbuloi skandalin e Edi Ramës për dhënien e koncesionit të TVSH-së prej 67 milionë eurosh një kompanie të lidhur me vëllanë e tij, Olsi Rama, një kompanie kineze offshore”.
Arsyeja që e risjellin këtë koncension tre vjet më pas janë disa fakte të reja sipas deputetet Jorida Tabaku.
Jorida Tabaku, deputete e PD: “…që tregojnë se kryeministri Edi Rama nuk është tërhequr nga vjedhja e biznesit që vepron në Shqipëri, për llogari të një firme kroate, besoj lidhjet me të cilën do të zbulohen së shpejti”.
Nga selia e Partisë Demokratike Qeveria e kryeministrit Rama akuzohet se ka hapur një tender prej 15 milionë eurosh për monitorimin e sistemit të tatimeve, që përfshin një gamë të gjerë elementësh, duke përfshirë edhe koncesionin e tvsh-së.
“Kriteret e tenderit janë përcaktuar që atë ta fitojë vetëm një kompani, të cilës i janë dhënë të drejta ekskluzive që të bëjë propozime ligjore për të ndryshuar ligjin e tatimeve. Në këtë mënyrë I hapet rruga nga njëra fitimit të kompanisë së paracaktuar nga Edi Rama, nga ana tjetër, biznesit që vepron në Shqipëri i shkaktohet një dëm kolosal”.
Partia Demokratike ka analizuar mbi 80 tendera të dhëna në fushën e IT, por asnjë nuk ka patur kritere kaq specifike sa në këtë rast- deklarojnë deputetët demokratë.
Endri Hasa, deputet i PD: “Jemi konsultuar me ekspertët më të mirë dhe rezulton se sistemi i ri i pagëzuar si sistemi i menaxhimit dhe kontrollit të faturimit do t’i kushtojë biznesit nga 80-100 milionë euro.
Kjo kosto kolosale do të ndodhë, sepse me sistemin e ri, qeveria do të detyrojë të gjitha bizneset të ndërrojnë të gjitha pajisjet fiskale dhe sistemet elektronike që kanë në përdorim”.
Sipas demokratëve qeveria nuk ka bërë të ditur çfarë do të bëhet me 140 mijë kasat fiskale ekzistuese, për të cilat një biznes ka paguar të paktën 300 euro për t’i instaluar. Ata bëjnë thirrje që tenderi prej 15 milionë euro për monitorimin e sistemit online të biznesit nuk duhet të zbatohet!/abcnews.al
