Jorida Tabaku

infe.jpg
in a11:16 | 27/03/2020

Ish-deputetja e Partisë demokratike Jorida Tabaku theksoi se shqiptarët sot janë përballë një situate të vështirë.

Sipas saj tani është koha që shteti të tregohet transparent dhe të anulojë çdo transaksion të panevojshëm.

Tabaku tha ndër të tjera se sot prioritet duhet të jenë të gjithë qytetarët që e kanë të pamundur të punojnë.

“Paketa sociale është e pamjaftueshme. Mijëra familje dhe biznese janë jashtë ndihmës. Çfarë do të bëhet me 35 mijë biznese dhe mbi 70 mijë të papunë të përjashtuar nga skema e ndihmës ekonomike?  Qeveria duhet të veprojë tani. Ndihma është një detyrim ligjor i qeverisë në kushtet e fatkeqësisë natyrore. Duhet të anulohet çdo transaksion që nuk u shërben qytetarëve deri në kalimin e krizës”, deklaroi Tabaku.

Deklarata e plotë:

Në emër të Partisë Demokratike dua të ndaj me ju shqetësimin për mungesën e tranparencës për ndihmën e parashikuar për shtresat në nevojë dhe për ekonominë. Ndonëse u premtua disa herë se ishte gati vendimi i Këshillit të Ministrave që detajonte rregullat për përfitimin e ndihmës nga kategoritë që përfshihen në Aktin Normativ të miratuar të dielën, ende nuk është publikuar asgjë.

17 ditë pas rëndimit të krizës, pse nuk ka ende një VKM për pagesat që u lajmëruan nga Qeveria?!

Pse nuk bëhet e ditur lista e plotë e përfituesve nga kjo pagesë, që qytetarët të kenë mundësi të shohin nëse janë apo jo përfitues?

Kush janë bizneset e vogla që përfitojnë?

Kush janë personat qe do të marrin pagesë papunësie?

Kush janë personat qe do të përfitojnë pagesën e ndihmës ekonomike?

Dua ta përsëris me forcë. Paketa sociale e miratuar nga Qeveria është e pamjaftueshme. Mijëra familje në nevojë apo biznese nuk përfitojnë prej saj.
Sot llogariten rreth 65-80 mijë biznese të mbyllura, pa asnjë aktivitet si pasojë e masave të marra nga epidemia. Rreth 35 mijë, në rastin më të mirë, nuk janë përfshirë në paketën sociale të Qeverisë. Çfarë do të ndodhë me ta? Kush kujdeset për ta?

Çfarë do të bëhet me mbi 70 mijë familje që i kanë hequr nga ndihma ekonomike dhe nuk janë përfitues të skemës së Qeverisë?

Në këto momente, transparenca është shumë e rëndësishme për te ndalur diskriminimin, por dhe për t’u ardhur në ndihmë të gjithë qytetareve që sot kanë nevojë.
Veprimi në kohë nga Qeveria është i domosdoshëm dhe çdo vonesë është e patolerueshme.

Sot 300 mijë familje në nevojë për mbijetesë kanë nevojë për ndihmë, pasi mbyllja në shtëpi i ka hequr edhe mundësinë minimale për të ushqyer me bukë fëmijët.
Shteti ka detyrimin që në këtë moment të vështirë të jetë pranë të pamundurve, t’u sigurojë atyre minimumin për të jetuar dhe për t’u ushqyer.

Qeveria duhet të veprojë pa asnjë vonesë për t’u ardhur në ndihmë familjeve në pamundësi për të ushqyer fëmijët. Ky është detyrim i saj ligjor dhe jo çështje e dëshirave apo vullnetit të Edi Ramës.
Paratë e taksapaguesve duhen vënë menjëherë në shërbim të qytetarëve dhe duhet anulluar çdo transaksion tjetër deri në kalimin e kësaj situate./abcnews.al

tabaku.jpg
Autor E13:44 | 05/03/2020

Ish-deputetja e Partisë Demokratike Jorida Tabaku ka hedhur një ulm akuzash ndaj maxhorancës dhe kryeministrit Rama në lidhje me ligjin e ri për regjistrimin e pronave që po diskutohet tani në Kuvend duke premtuar se do ta rrëzonin atë sa po të vinin në pushtet.

Tabaku tha se ky ligj bëhet për të ndihmuar oligarkët pranë kryeministrit Rama duke mos marrë parasysh interesant e pronarëve të ligjshëm.

Ajo tha se PD do ta rrëzonte ligjin sapo të rikthehej në pushtet.

Deklarata e plote

Edi Rama, ka prodhuar në 7 vjet një korpus ligjor anti-pronë dhe pro oligarkë. Synimi i këtij korpusi ligjor është zhdukja e të drejtës së qytetarit për të gëzuar pronën, vjedhjen e saj për interesa personalë të tarafit ekonomik të Ramës.
Në gjithë këtë grup ligjesh, qeveria dhe mazhoranca kanë shkelur me të dyja këmbët Kushtetutën e Shqipërisë, Vendimet e Gjykatës Kushtetuese dhe ato të Strasburgut. Të uritur për të gllabëruar e marrë çdo pronë të mundshme, mazhoranca ka dhunuar plotësisht parimin e shenjtë të Kartës të të Drejtave të Njeriut.
Në projekt-ligjin për Kalimin e Pronësisë, mazhoranca nuk ka respektuar asnjë nga këshillat parimore të Komisionit të Venecias. Jo vetëm kaq por ajo ka ideuar një ligj akoma dhe më malinj se ai që kish propozuar më parë, duke e ndryshuar vetëm në fasadë dhe duke ruajtur brendinë e tij.
Projektligji që sot po miratohet nga votat e noterit personal të Ramës, të parlamentit ilegjitim, i kalon kompetenca ekstra ligjore agjencive të qeverisë si e si që kjo e fundit të përdorë pushtetin e saj për të kryer ndere personale.
Praktikisht do të kemi disa ligje në fuqi që janë në kundërshti të pastër me njëri tjetrin. Ligji për planifikimin e territorit dhe ligjin në fjalë që i jep të drejtën ASHK-së të vjedhë kompetencat e IKMT-së. Me qëllimin që procesi i legalizimeve jo vetëm të mos përfundojë kurrë, por të jetë një rrjetë me të cilën qeveria të marrë vota dhe të abuzojë me pushtetin.
Aq i pandershëm është ky ligj saqë qeveria ka vendosur që të mos mbrojë interesat ekonomik të pronarit të ligjshëm. Propozimi i cili do të votohet në kuvend, nuk i jep asnjë afat garancie të shpërblimit për tokën e grabitur pronarit. Nga ana tjetër nuk i jep as siguri për legalizimin e tij.
Sakaq, pronarët që në të drejtë të tyre kanë gëzuar një pronë për vite edhe dekada me radhë në rast të mungesës së një tapie do të konsiderohen si ilegalë. Kjo çmenduri që votohet sot në kuvendin e Shqipërisë nga noterët e krye-oligarkut Rama i kërkojnë pronarit të tokës që të ri blejë truallin e tij dhe ndërtesën e tij edhe nëse kjo është ndërtuar përpara 1991.
Të vetmit që mund të gëzojnë me këtë ligj janë padyshim oligarkët e shpurës së Ramës. Janë pikërisht ato që mbrohen specifikisht për gjoja investimin e tyre që njihet si qera 99 vjeçare.
Në raste të tilla, kur një oligark që ka zgjeruar pronën e tij ilegalisht nga ajo çfarë ka marrë me qera, mund ta posedojë këtë pronë të grabitur me letra, lehtësisht. Madje një lehtësi e tillë bie dhe në kurrizin e pronarit privat apo publik edhe me një çmim qesharak.
Në fjalë të tjera. Mjafton që një prej këtyre që ka marrë rrugët e florinjta me koncensione miliarda euro, nga veriu në jug, që të vendosë njollën e tij në një tokë private apo publike duke zgjeruar aktivitetin e tij. Dhe ai mundet të zotërojë këtë tokë për biznesin e tij në dëm të interesit të qytetarëve.
Ky ligj i jep fuqi Ramës dhe vartësve të tij të kenë autoritetin e një gjykate, duke vendosur për kufinjtë e pronës në rast konflikti, të drejtë që deri më sot e kanë vetëm gjykatat në Republikën e Shqipërisë, që bie ndesh me Kodin e Prcedurës Civile duke marrë fuqi e kompetenca ekstraligjore.
Komisioni i Venecias foli qartë për këtë ligj si dhe për grupin prej 10 ligjesh që PD ka vite që i denoncon. Miratimi i këtij Ligji është një hap më tej në uzurpimin e çdo hapësirë institucionale, në marrjne e çdo kompetence dhe në rrëmbimin e cdo përgjegjësie.
Partia Demokratike zotohet se do të rrëzojë këtë korpus ligjor anti-pronë, që cenon dhe sulmon parimin themelor të barazisë përpara ligjit, gëzimin e të drejtës së pronës dhe vendimet Gjykatës Kushtetuese.
Gjithashtu zotohemi se do të trajtojmë pronën, pronarët dhe qytetarët që duan të gëzojnë pronën e tyre jo me parimin “prona e para”. Përkundrazi, ne do të vendosim pronën dhe gëzimin e saj primare duke vlerësuar dhe respektuar çdo zgjidhje që nuk e trajton këtë proces si formë kërcënimi, por si një mënyrë për të respektuar të drejtat dhe liritë e qytetarëve. Ky ligj i vë edhe njëherë vulën Kuvendit ilegjitim, Kuvendit që ka dalë jashtë çdo funksioni. Mbron çdo interes, përveç interesat legjitime të qytetarëve shqiptarë. /abcnews.al

tabaku.jpg
in a16:41 | 29/01/2020

Nga e mërkura e 29 janarit, çdo qytetar i dëmtuar nga tërmeti i dy mujave më parë do të duhet të aplikojë online për të përfituar nga programi i rindërtimit.

Ministri i Shtetit për Rindërtimin, Arben Ahmetaj i kujtoi qytetarëve se e kanë të detyrueshme aplikimin online pranë zyrave të bashkive nëse do të dëshirojnë të kompesohen për dëmet që kanë pasur. Por për demokratët 2 muaj pas tërmetit tragjik, t’i thuash qytetarëve aplikoni online është tallje. Ish-deputetja, Jorida Tabaku thekson se pas 60 ditësh qytetarët prisnin zgjidhje.

“A ka tallje më të madhe se ti thuash atyre që janë në çadra dhe në shi aplikoni online. Në dy muaj çfarë ka bërë shteti? Çfarë informacioni ka mbledhur, a ka shkuar në zyrat e hipotekës për të parë një regjistritm të të gjithë pronave? A kemi një raport të ekspertëve për secilën banesë që është prekur nga tërmeti se çfarë dëmesh ka pasur? Në kërkuan që të dilnim me një paketë taksash”, tha Tabaku.

Për Tabakun, sistemi online e-albania i ngritur nga qeveria ka qenë një dështim, ndaj edhe ishte e tepërt që në këtë program të shtoheshin edhe të dëmtuarit e tërmetit.

“I gjithë sitemi që ka ngritur është tallje, por që të shtosh edhe tërmetin kjo është një mungesë serioziteti. Kjo tregon paaftësisnë që kanë pasur në këtë proces. Kur pret që pas dy muajsh të kenë dosje të plotë, këta të thonë apliko online”, u shpreh Tabaku.

Rolin e qeverisë në këtë fatkeqësi natyrore, ish-deputetja e sheh përmes 3 dështimeve të njëpasnjëshme.

“ Së pari fakti që nuk patën menaxhim të situatës. Ligji i emergjencave civile edhe pse ishte i ri e nxori totalisht jashtë funksionit shtetin dhe së treti qeveria ka qenë e paaftë që të lokojë burime nga buxheti i shtetit”, theksoi më Tabaku .

Demokratët akuzojnë qeverinë për mënyrën se si po menaxhon fatkeqësinë natyre të 26 nëntorit. Sipas, Tabakut Shqipëria nuk mund të presë gjithçka nga Konferenca e Donatorëve pasi qeveria do të duhet të kishte rikonceptuar menjëherë buxhetin e shtetit./abcnews.al

mmo.jpg
in a17:29 | 30/12/2019

Tërmeti i 26 nëntorit sipas demokratëve nxorri në pah abuzimin me taksën e arsimit dhe projektin e Bashkisë së Tiranës “Adopto një shkollë”. Ish-deputetët e Partisë Demokratike, Jorida Tabaku dhe Klevis Balliu ishin në shkollën “Musine Kokalari” në Kombinat e cila pas lëkundjeve të një muaji më parë është shpallur si jofunksionale. Ish-deputetja Tabaku denoncoi abuzimin që Bashkia ka bërë me fondet që i vjel çdo vit qytetarëve të Tiranës.

22 milion euro janë mbledhur nga viti 2016 deri më sot për taksën e infrastukturës në arsim, të cilat duhet të ishin investuar në shkolla, kopshte dhe çerdhe”, deklaroi Tabaku.

Të njëjtat abuzime demokratët i denoncuan edhe në Shkollën “Lasgush Poradeci”. Për Klevis Balliun bojërat dhe fasadat pas 26 nëntorit nuk i fshehin dot vjedhjet e oligarkëve të preferuar të Bashkisë.

Gjithashtu Partia Demokratike ka denoncuar të gjithë abuzimet e bëra me institucionet arsimore në qytetet e prekura nga tërmeti. Disa shkolla të cilat u rikonstruktuan pak muaj më parë, pas tërmetit janë shembur ose janë nxjerrë jashtë funksionit./abcnews.al

 

TABAKU-kronike.jpg
ger ta16:59 | 23/12/2019

Ish-depuetja e PD, Jorida Tabaku dhe ekspertë që po hartojnë programin ekonomik të demokratëve kanë pranë bizneseve të Rrugës së Kavajës në Tiranë për të dëgjuar shqetësimet e tyre. Përfaqsues të biznesit të vogël flasin për taksa të larta dhe një kosto të shtuar me kasën fiskale, duke dhënë alarmin se shumë shpejt do të detyrohen të ulin qepenat dhe të shpallin falimentin.

Përfaqësues të biznesit të vogël japin alarmin se taksat e larta të vendosura nga qeveria dhe rënia e fuqisë blerëse po i shtyn drejtë falimentimit. Bizneset që zhvillojnë aktivitetin e tyre në Rrugën e Kavajës në Tiranë flasin për vështirësi të papërballueshme dhe apelojnë për zhbllokim të situatës përpara se njëri pas tjetrit të kenë mbyllur qepenat. Ish-deputetja e Partisë Demokratike, Jorida Tabaku dhe ekspertë ekonomie që po hartojnë programin ekonomikë të demokratëve janë takuar me përfaqësues të biznesit dhe kanë mësuar shqetësimet e tyre.

Kam 25 vjet në këtë dyqan. Përpara ka pasur punë, tani mezor paguajmë detyrimet

Ky përfaqësues i biznesit të vogël flet për një dilemë të madhe që ka përballë rritjes së taksave.

Në përgjithësi beiznesi është në dilemë shumë të madhe për ta mbyllur. Bizneset e vuajnë në mnyrë maksimale falimentimin e tyre”, shprehet ai.

Apeli i tij është që çdo qeveri të ketë në vëmendje binzesin e vogël.

Për ABC NEWS, ish-deputetja Tabaku flet për konsum të rënë dhe taksa e tarifa që kanë shteruar burimin e të ardhruave ndërkohë që e gjithë ekonomia është e përqëndruar në vetëm disa duar.

Ka biznese që ka ardhur ora 11.00 dhe nuk kanë shitur asgjë. Ka biznese që kanë javë që nuk kanë shitur asgjë, duke treguar një problem të jashtëzakonshëm që ka me konsumin në ekonomi dhe problemi i konsumit është një problem që lidhet me së pari me politikat e qeverisë, së dyti taksat e larta, së treti kemi faktin që ekonomia është e përqendruar një një grusht të vogël njerëzish dhe nuk ka frymë për biznesin e vogël, që duhet të ishte pjesa e gjallë e ekonomisë shqiptare”, thotë  Tabaku.

Dhe alternativa e demokratëve për biznesin e vogël është gati.

Grupe të Partisë Demokratike janë në terren me grupe të ndryshme interesi për të dëgjuar shqetësimet e tyre dhe për t’i dhënë alternativën e demokratëve në qeverisje./abcnews.al

tabaku-1.jpg
Autor E15:03 | 09/11/2019

Ish-deputetja demokrate Jorida Tabaku reagoi pas kthimit mbrapsht të ligjit për “Korporatën e Investimeve” duke theksuar se kjo ishte ajo që duhej të bëhej dhe se veprimi i Presidentit konfirmonte pretendimet e demokratëve.

Sipas Tabakut, ky ligj së pari ai kanalizon çdo pronë publike dhe private në duart e kryeministrit dhe së dyti, me pushtetin ndaj çdo prone publike dhe/ose private në vend, kryeministri do të shpërndajë pronat tek oligarkët. Në këtë mënyrë do marrë tagrin që në vazhdim të koncesionojë edhe shpatet e maleve.

Reagimi i plotë

Gjatë vitit të fundit Partia Demokratike ka zhvilluar një betejë me fakte, të dhëna dhe argumenta se pse Korporata e Investimeve është një projekt antikushtetues dhe grabitqar.

Në betejën tonë nuk kemi qenë vetem. Institucionet ndërkombëtare duke nisur nga BB, FMN dhe BE kanë reaguar duke kërkuar që ky ligj të mos miratohet sepse është në dëm të interesit publik dhe mbledh fuqi në duar të një individi.

Sot dhe Presidenti i Republikës reagoi duke mos e dekretuar ligjin.

Duke përshëndetur aktin e tij, gjej rastin të paraqes arsyet kryesore përse Korporata e Investimeve është një projekt kriminal në kurriz të shqiptarëve.

së pari, kanalizon çdo pronë publike dhe private në duart e kryeministrit (Arkitektit real të këtij projektligji).

Së dyti, me pushtetin ndaj çdo prone publike dhe/ose private në vend, kryeministri do të shpërndajë pronat tek oligarkët. Në këtë mënyrë do marrë tagrin që në vazhdim të koncesionojë edhe shpatet e maleve.

Akti i presidentit ndonëse i dobishëm është shpresë pak pasi mazhoranca e drejtuar nga PROSSH (Partia e Rilindur e Oligarkëve Socialistë të Shqipërisë) duke përfituar nga mungesa e Gjykatës Kushtetuese do ta rrezoje perseri kete ligj siç ka bërë me shumë të tjerë të kthyer nga presidenti.

KISH është akti parafundit dhe pas tij do të vijë ligji i shpronësimeve që do zhvlerësojë pronën private.

Koha për sugjerime, amendime e këshilla ka kaluar. Kur çdo ligj që votohet është në dëm të interesit publik, kur nuk miratohet një ligj i vetëm që t’i japë prioritet të pamundurit, pronarit, studentit e fermerit. Përherë ligjet e kësaj mazhorance janë anti-treg dhe në favor të një grupi të vogël atëherë kjo nuk quhet më qeveri e njerezve dhe për njerezit!

Koha e kësaj qeverie ka mbaruar dhe në arrogancën e vendimeve të atyre që po largohen po bejnë dëm buxhetit ta shtetit dhe pronave të shqiptarëve. Kushdo që abuzon do paguajë. Kushdo që perfiton nga burimet shteterore do paguajë.

jotrida-tabaku-1280x712.jpg
nev ila15:39 | 24/10/2019

Partia Demokratike i kujtoi qeverisë se vijon të renditet e fundit në raportet ndërkombëtare për tërheqjen e investimeve të huaja dhe klimën që krijon për biznesin në vendin tonë.

Ish-deputetja demokrate, Jorida Tabaku denoncoi faktit se Shqipëria ka rënë me 19 vende në raportin e Doing Business. “Në garën rajonale për të tërhequr sa më shumë biznese Shqipëria vazhdon të rënditet e fundit.

Raporti i Doing Business vazhdon të konfirmojë plagët e thella që ka hapur qeveria prej gjashtë vitesh në fushën e biznesit dhe sipërmarrjes. Në renditjen e rajonit të Ballkanit Perëndimor ne gjendemi jo vetëm pas vendeve si Kroacia, Greqia, Qipro, Turqia por edhe pas Kosovës, Serbisë, Malit të Zi dhe Maqedonisë së Veriut.

Fatkeqësisht ne jemi në vendet e fundit sa i takon pagesës së taksave, fuqisë së kontratave dhe gjithashtu një pozicion jo fort të mirë në nisjen e bizneseve të reja. Por treguesi me perkeqesimin me te madh eshte mbrojtja e investimeve.

Nga 10 tregues 9 jane me renie”, deklaroi Tabaku duke kujtuar se një qeveri që për 6 vjet ka dënuar dhe sulmuar sipërmarrjen nuk mund të prodhojë një reformë në ekonomi për të shpëtuar biznesin dhe nxitur konkurencën e lirë!./abcnews.al

jorida-tabaku-1-1280x718.jpg
nev ila13:10 | 24/10/2019

U padit nga Rama, dënohet për shpifje Jorida Tabaku. Gjykata e Tiranës ka vendosur të dënojë Jorida Tabakun me 300 mijë lëk gjobë e cila ishte akuzuar për shpifje nga kryeministri Edi Rama.

Sipas Gjykatës Jorida Tabaku duhet të përgënjeshtrojë në faqen e saj në Facebook deklaratën e saj ku akuzon qeverinë për akte korruptive.

Në fillim të vitit 2019 qeveria hapi 17 gjyqe ndaj politikanëve të PD-së për shpifje.

Atë kohë kryeministri Rama deklaroi se me paratë që do të fitonte ndaj këtyre gjyqeve do të investohej në shkolla.

Një prej deputeteve të paditura atë kohë ishte edhe Jorida Tabaku për të cilën gjykata vendosi sot gjobën prej 300 mijë lekësh.

Ndërkohë një rishikim i tetëmbëdhjetë çështjeve gjyqësore që mbartin veprën penale të shpifjes dhe që janë shqyrtuar nga Gjykata e Lartë, tregon se në trembëdhjetë raste, përplasjet mes politikanëve të maxhorancës dhe atyre të opozitës kanë përfunduar gjithmonë me fitoren e maxhorancës.

Po ashtu Rama rezulton edhe politikani që ka ngritur më shumë akuza për shpifje ndaj kundërshtarëve të tij politikë./abcnews.al

jorida-tabaku-1280x731.jpg
nev ila13:11 | 23/10/2019

Partia Demokratike ka denoncuar pagesat e koncesionit të inceneratorëve edhe pse ata nuk janë vënë në punë. Ish deputetja Jorida Tabaku tha se qeveria e kryeministrit Rama ka bërë 44.3 milionë euro pagesa për inceneratorë fantazëm.

“Në 6 vjet, qeveria e Edi Ramës ka treguar se ka vetëm një prioritet: të vjedhë sa më shumë dhe pastaj të vjedhë sërish.Edi Rama është kapur shumë herë me duart në xhepat e qytetarëve, duke vjedhur dhjetëra e qindra miliona euro, por kryevepra e tij e korrupsionit janë inceneratorët”, tha Tabaku.

 

Deklarata e Plotë e PD:

“Kontrolli i Lartë i Shtetit ka zbuluar se qeveria e Edi Ramës ka manipuluar shifrat për kostot e PPP-ve, veçanërisht për inceneratorin e Tiranës. Për këtë incenerator shqiptarët nuk do të paguajnë 178 milionë euro, siç ishte deklaruar më parë në kontratë, por 118 milionë euro më shumë. Gjithsej 296 milionë euro për një koncesion,  pronarët e vërtetë të cilit janë të fshehur në parajsa fiskale.

Siç tregohet në tabelën e programit buxhetor afatmesëm dhe në tabelën e Kontrollit të Lartë të Shtetit për pagesat e inceneratorit të Tiranës, qeveria e ka fshehur me qëllim vlerën reale prej 296 milionë euro të kontratës, duke e kaluar mënyrë anti-ligjore këtë PPP korruptive.

Raporti i Kontrollit të Lartë të Shtetit tregon qartë se qeveria ka gënjyer për shifrat në kontratën e firmosur, pasi ajo po paguan 296 milionë euro ose 118 milionë euro më shumë sesa kishte deklaruar për koncesionin e inceneratorëve.

Akoma më i rëndë është fakti se këta inceneratorë, sipas kryeveprës së korrupsionit të Edi Ramës, paguhen miliona euro çdo vit, megjithëse nuk ekzistojnë.

Në dy vjet, qeveria e Edi Ramës ka bërë 44.3 milionë euro pagesa për  inceneratorët fantazmë, një vjedhje ditën për diell e shqiptarëve.

Nga të dhënat e thesarit rezulton se pagesat e kryera deri tani për çdo incenerator janë si më poshtë:

Inceneratori i Tiranës 11,9 milion euro

Inceneratorin i Fierit 15,3 milion euro

Inceneratori i Elbasanit  17,1 milion euro

Kush kërkon gjurmët e korrupsionit të qeverisë Rama, kush kërkon arsyet e refuzimit të Bashkimit Europian për këtë qeveri mjafton të shohë koncesionin e Inceneratorëve

Refuzimi i BE-së është vulë korrupsioni për qeverinë e Edi Ramës. Prandaj, kjo qeveri e ka të pamundur të përmbushë 9 kushtet e Bundestagut, një prej të cilëve është lufta kundër korrupsionit, është nxjerrja para drejtësisë e zyrtarëve të lartë të korruptuar.

o koncesion, çdo kontratë PPP-je është e lidhur ngushtë me vjedhjen publike që i bëhet pronës së qytetarëve, fondeve publike dhe pasurisë së tyre.

 Ka vetëm një rrugë për të shpëtuar vendin. Zgjedhjet e parakohshme, të lira e të ndershme, të çliruara nga Kampioni i Korrupsionit, Edi Rama!“, tha Tabaku./abcnews.al

 

 

IMG_0437-1280x853.jpg
ad min13:55 | 16/10/2019

Një vit më pas Partia Demokratike nuk merret me optimizmin e kryeministrit për çka do të ndodhte gjatë 2019-s por i vë përballë të tjera shifra treguese për borxhin publik që ka deklaruar qeveria në 2018.

“Qeveria ka vazhduar të gënjejë shqiptarët dhe institucionet ndërkombëtare duke pohuar se kanë ulur borxhin publik, në 67.2%.E vërteta  është se borxhi publik është 71.6% dhe ky sërish nuk është borxhi real përfundimtar, pasi aty nuk është përfshirë  borxhi 2,2 miliardë euro nga PPP-të korruptive. Nëse do të llogariteshin në mënyrën e duhur dhe sipas standardeve të kërkuara nga FMN dhe Banka Botërore, atëherë vlera reale e Borxhit Publik do të ishte 81%”.

Demokratët thonë se i janë referuar Raportit të Kontrolli të Lartë të Shtetit që  tregon se qeveria ka gënjyer dhe manipuluar të dhënat e buxhetit të shtetit, duke fshehur  610 milionë Euro borxh- thekson ish deputetja Jorida Tabaku.

“Kjo do të thotë se çdo shqiptari do t’i duhet të paguajë 200 euro shtesë vetëm prej borxhit të fshehur të Edi Ramës”.

Nga selia blu publikohen borxhet e fshehura që sipas demokratëve janë:

Detyrimet për investime, vendime gjyqësore etj janë rreth 173 milionë euro.

Detyrimet për rimbursimin e TVSH janë rreth 169 milionë euro.

Borxhe për tatim fitim ndaj biznesit 124 milionë euro.

Detyrime gjyqësore në avokaturën e shtetit, po ashtu 124 milionë euro. Dhe Detyrime gjyqësore ndërkombëtare 26 milionë euro.

Totali  i borxhit të paraportuar sipas Partisë Demokratike rezulton të jetë vetëm gjatë vitit të kaluar 600 milionë euro./ABC News Albania


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono