Partizani ka nisur përgatitjet për ndeshjen e radhës në kampionat. Kryesuesit e Superiores do të udhëtojnë drejt Vlorës në fundjavë për t’u ndeshur me Flamurtarin vendas. Seanca stërvitore e ditës së sotme ka nisur në orën 10:00 dhe është zhvilluar në Pezë.
Një surprizë e bukur ka qenë prezenca e Aldo Teqjes gjatë ditës së sotme. Portieri ka lënë pas krahëve problemet dhe ka ndjekur përgatitjet e shokëve të skuadrës. Klubi i kuq lajmëron se 24-vjeçari pritë të nisë stërvitjen dhe t’i bashkohet grupit në ditët në vijim.
Partizani kryeson Superioren me 21 pikë dhe nuk dëshiron të ndalet. Djemtë e Lerdës do të tentojnë fitoren e radhës përballë kuqezinjve, të cilët renditen në vend të fundit me vetëm 3 pikë. /abcnews.al
