Është vënë nën hetim ministri italian për çështje europiane për disa vonesa dhe shtyrje pagesash në favor të disa firmave të mëdha, në kohën kur ishte pjesë e bordit drejtues të Unicredit.
Ministri italian i Çështjeve Europiane, Paolo Savona, është nën hetim për shtyrje pagesash dhe vonesa në derdhjen e kësteve në favor të firmave të mëdha në kohën, kur ishte pjesë e bordit drejtues të Unicredit. Hetimet përfshijnë dhe 22 persona të tjerë, të gjithë zyrtarë të lartë të Unicredit në periudhën 2005–2013.
Sipas agjencisë italiane të lajmeve ANSA, emri i ministrit Savona rezulton në kërkesën për shtrirjen e hetimeve nga ana e prokurores së çështjes.
Denoncimi sipas disa mediave italiane është bërë nga ana e shoqërisë Engineering. Avokati i kësaj shoqërie shpjegoi për mediat se hapja e dosjes së hetimit duhej bërë pasi drejtuesit e bankës duhen hetuar për rolin e tyre të kontrollit dhe garancisë./abcnews.al
