Drejtësia shqiptare do të ketë një shtëpi të re. Në 3-vjetorin e miratimit unanimisht të reformës në drejtësi, pasditen e së hënës u inaugurua godina ku do të vendosen të gjitha institucionet e drejtësisë. Pallati i ri i drejtësisë do të jetë një simbol i çlirimit të Shqipërisë nga Korrupsionit. Të paktën kështu beson e ngarkuara me punë e ambasadës së SHBA në Tiranë Lejla Mozes Ones, e cila garantoi se Shtetet e Bashkuara të Amerikës do të qëndrojnë krah Shqipërisë në këtë rrugë të vështirë, por të duhur.
Shefja e Operacionit Ndërkombëtar të Monitorimit, Xhenoveva Ruiz Kalavera siguroi se implementimi i duhur i reformës në Drejtësi i hap Shqipërisë rrugën e çeljes së negociatave me Bashkimin Europian.
Ministrja e Drejtësisë Etilda Gjonaj tha se qeveria e bëri punën e saj, ndaj fjalën e ka drejtësia e re.
Kreu i Këshillit të lartë të prokurorëve Gent Ibrahimi tha se rezultatet e para të reformës do të shihen në vjeshtë. Ndërsa kreu i magjistraturës Sokol Sadushi, tha se numri studentwve do të trefishohet.
Gjatë inaugurimit të godinës së drejtësisë, u zhvilluan ceremonia e betimit të magjistratëve të rinj./ABC News Albania 24/7
