Oriola Marashi është rikthyer krah Eros Grezdës. Lart e poshtë ka pasur fjalë për një ndarje të tyre, por çifti i shumëpërfolur janë së bashku dhe madje duken shumë të lumtur.
Sigurisht me çfarë u ofrojnë ndjekësve të tyre në rrjetet sociale. Oriola është bërë protagoniste me një koment të bërë në një postim të sulmuesit të Osijek, i cili shfaqet duke u argëtuar mbi një motor uji dhe shkruan “më i shpejtë se viti 2020”.
Modelja nuk ka ngurruar të ngacmoje me një koment epik. “Kur ajo të thotë jam vetëm në shtëpi”, shkruan e dashura e Grezdës, me shaka. Ndoshta kur ajo e thërret sulmuesin, ai është edhe më i shpejtë… / abcnews.al
