Eros Grezda
Vladimir Prenga08:56 | 15/03/2020
Kohë garantimi dhe njerëzit mendojnë gjëra nga më të ndryshme për të kaluar kohën. Rrjetet sociale janë një mënyrë dhe futbollistët kanë nisur me sfidat e tyre. “Laj duart dhe mbaj me këmbë letrën higjienike”, kjo është sfida e re.
Eros Grezda, sulmuesi i Osijek, ka sfiduar disa prej miqve të tij futbollistë dhe i pari i është përgjigjur Endri Çekiçi i Olimpija Ljubjana. Nuk i është shmangur sfidës as shoku i skuadrës, Merveil Ndockyt, kongolezi që ka luajtur edhe në Superiore me Tiranën.
Vonoi Mërgim Vojvoda, i cili në videon e publikuar, në ritmet e një këngë të Unikkatil. Mbrojtësi i djathtë i Kosovës, ka edhe një mesazh: “Nona e letrave t’WC dhe të topit”. /abcnews.al
ad min16:54 | 13/02/2020
Nesër është “Shën Valentini” dhe shumë çifte po merren me detajet e fundit të dhuratave për partnerët. Eros Grezda dhe Oriola Marashi janë një nga çiftet e rinj të showbizit shqiptar, teksa lidhja e tyre u konfirmua nga një foto ku dy të rinjtë ishin kapur për dore.
Anësori ofensiv i kombëtares kuqezi la Rangers në merkaton e janarit dhe u rikthye te Osijek në Kroaci, aty ku zhvilloi sezonin më të mirë të karrierës (2017-2018).
Modelja bukuroshe ka treguar dhuratën e dëshiruar për Shën Valentin nëpërmjet një InstaStory dhe tani pritet nëse futbollisti gjakovar do ia plotësojë dëshirën apo do i dhurojë ndonjë surprizë edhe më të bukur. /abcnews.al
Igli Nikolli17:08 | 23/01/2020
Eros Grezda i dha fund aventurës me Rangers në janar dhe vendosi të rikthehet te Osijek në Kroaci, aty ku shpërtheu dhe zhvilloi sezonin më të mirë të karrierës. Gjakovari i kombëtares shqiptare ka gjetur golin në miqësoren e sotme ndaj Lokomotivës së Moskës.
24-vjeçari ofensiv lëshoi një diagonale të fortë në minutën e 17-të dhe dërgoi topin mes këmbëve të portierit kundërshtar, duke shënuar golin e parë për ekipin kroat që po fiton me rezultatin 2-0. /abcnews.al
Vladimir Prenga09:32 | 08/01/2020
Futbollisti i kombëtares, Eros Grezda, është prezantuar si futbollisti më i ri i skuadrës së Osijek. 24- vjeçari u shpreh i lumtur për rikthimin në kampionatin kroat.
Marrëveshja ishte mbyllur pak ditë më parë, por Eros Grezda është prezantuar si futbollisti më i ri i skuadrës së Osijek ditën e djeshme. Pas një sezoni e gjysmë në hije te skuadra e Rangers, futbollisti i kombëtares vendosi të rikthehej te skuadra ku ka kaluar momentet më të mira në karrierë.
24 vjeçari u transferua me shume bujë në Skoci në verën e vitit 2018, por aventura e tij ishte krejtësisht për t’u harruar. Futbollisti u kërkua me ngulm nga legjenda Stiven Gerard, por karakteri i tij i prishi planet teknikut të Rangers, i cili vendosi ta dërgonte futbollistin në skuadrën e të rinjve. As aty telashet nuk përfunduan.
Tani është pjesë e Osijek dhe në prezantimin para mediave Grezda nuk e fshehu aspak lumturinë për këtë rikthim si dhe zbulon ofertat e skuadrave të tjera. “Kam pasur disa oferta nga Kroacia, por edhe nga shtete të tjera. Janë interesuar për mua edhe klube si Rijeka e Hajduk Split, por vendosa të rikthehem tek Osijek. Jam shumë i lumtur për këtë”, ka thënë mes të tjerash gjakovari.
Drejtuesit e klubit të Osijek besojnë se skuadra ka bërë një goditje fantastike, duke llogaritur edhe termat ekonomike të këtij transferimi. Kujtojmë që Grezda ka humbur vendin edhe në Kombëtaren shqiptare, që kur drejtimin e skuadrës e mori tekniku Reja. Synimi më vete mbetet edhe rikthimi tek kuqezinjtë dhe kjo gjë mund të ndodhë, nëse rikthehet të luajë si më parë. /abcnews.al
Vladimir Prenga12:50 | 07/01/2020
Eros Grezda do të rikthehet në Kroaci dhe do të jetë pjesë e Osijek. Sulmuesi anësori i kombëtares largohet pa lënë gjurmë në Skoci, aty ku ishte pjesë e Rangers. Për djaloshin nga Gjakova ata paguan rreth 2 milion sterlina, por dëmtimet dhe më pas edhe sjellja e tij u bënë pengesë për vazhdimin e bashkëpunimit.
Në këto kushte u pa e udhës që të gjendej një marrëveshje dhe është klubi i Osijek që vendosi ta marrë mbrapsht, duke i njohur Rangers të drejtën për të përfituar nga shitja e Grezdës në rast se ata ia dalin ta transferojnë sërish.
Sulmuesi ndërkohë ka edhe një mesazh për skocezët, teksa në llogarinë e tij në “Instragram” shkruan: “Ndonjëherë në jetë gjërat nuk shkojnë sikurse duam, por e rëndësishme që të mos dorëzohesh për ëndrrat e tua. U uroj gjithë të mirat shokëve të skuadrës dhe klubit”. /abcnews.al
Igli Nikolli14:56 | 06/01/2020
Eros Grezda i ka dhënë fund aventurës me Rangers. Klubi i famshëm skocez pagoi 2 milionë sterlina tek Osijek gushtin e vitit 2018 dhe gjakovari i kombëtares firmosi një kontratë 4-vjeçare.
Aventura në ishull nuk ka shkuar mirë për të. Sezonin e kaluar ia doli të zhvillonte disa paraqitje pozitive dhe shënoi 2 gola, ndërsa këtë sezon u aktivizua me ekipin U21 të Rangers. Palët kanë ndërprerë marrëveshjen dhe 24-vjeçari, i cili numëron 12 ndeshje dhe 1 gol me Shqipërinë, ka zgjedhur ekipin e ri.
Grezda do të rikthehet në Kroaci tek Osijek, ekipi ku zhvilloi performanca pozitive dhe shpërtheu në sezonin 2017-2018. SunSport raporton se klubi skocez ka përfshirë një klauzolë që do i sjellë fitime nëse lojtari i kombëtares shqiptare shitet në të ardhmen. /abcnews.al
Vladimir Prenga23:36 | 03/01/2020
Oriola Marashi nuk është parë ndonjëherë në stadiumet tona, por kjo nuk do të thotë që nuk i njeh futbollistët. Së fundmi madje po i kalon pushimet me një lojtar të kombëtares shqiptare. “Indeksi Online” ka postuar një foto të modeles, e cila shfaqet me Eros Grezdën.
Sulmuesi anësor më parë është përfolur për një lidhje me moderatoren Nevina Shtylla. Tashmë shikohet dorë për dore me Oriola Marashin. Ka diçka mes tyre apo jo,mbetet ta zbulojnë vetë.
Gjithsesi fotoja e publikuar nuk lë shumë vend për dyshime. Ose, ose ata kërkojnë të bëjnë zhurmë pas pushimeve të kaluara së bashku në Meksikë. /abcnews.al
Vladimir Prenga13:54 | 10/12/2019
Eros Grezda u ndal muajin e shkuar teksa voziste makinën e tij tip Audi RS3, pa pasur siguracion dhe patentë. Anësori i Rangers është paraqitur në Glasgoë Sheriff Court dhe pretendimet e tij janë që nuk ka qenë në dijeni që nuk kishte siguracion, pasi mendonte se e kishte paguar atë dhe ishte gjithçka në rregull.
“Nuk e kam ditur që m’i kanë kthyer lekët mbrapsht në llogarinë time. Ata donin informacion mbi patentën, por nuk u përgjigja për shkak se nuk e pashë. Kurrë s’e kam parë apo kontrolluar e-mailin. Isha i sigurt që kisha siguracion.
Dua t’i kërkoj falje trupit gjykues për këtë incident. Nuk kam dashur ta ngas makinën pa siguracion dhe shpresoj që kjo të merret në konsideratë”, është shprehur sipas “Dailyrecord” Grezda, i cili ka pranuar fajin. Gjykata a vendosur ta gjobitë atë me shumën e 400 sterlinave, ndërkohë që i janë hequr edhe gjashtë pikë në patentë.
Grezdës në muajin mars i ishte pezulluar patenta për gjashtë muaj dhe duhet të kishte aplikuar për një të re kur i ka përfunduar dënimi. Ai nuk e kishte bërë diçka të tillë, ndërkohë që i mungonte edhe siguracioni. Tashmë ai duhet të shlyejë gjobën./abcnews.al
Vladimir Prenga23:55 | 21/11/2019
Taulant Xhaka dhe Eros Grezda nuk ishin as në grumbullimin e fundit të Shqipërisë. Ervin Bulku, pjesë e stafit të kombëtares, në emisionin “Pressing” në ABC News, sqaroi çfarë ka ndodhur me dy lojtarët e mësipërm.
“Nuk ka ndodhur asgjë me Xhakën dhe Grezdën. Ai nuk mund të komunikojë me trajnerin, nuk di italisht, veç gjermanisht dhe anglisht. Trajneri përmes meje dhe Salihit komunikon me lojtarët që nuk dinë italisht. Xhaka më dërgoi ‘sms’ dhe më tha që kam një problem prapa në kofshë. Vendosëm të qëndronte te skuadra, të bënte terapi”, tha Bulku.
Më tej ai flet edhe për Grezdën, duke thënë se nuk ka një çështje as me gjakovarin. Gjithsesi, pretendimet për formacionin përbëjnë një çështje. “Grezda ka qenë me ekipin kombëtare. Trajneri e vendosi në një pozicion ku mendonte ai. Pretendonte formacionin dhe më pas u largua”, shtoi ish-mesfushori.
Më tej ai ka folur edhe për mbrojtësin Tomas Guidara, si dhe për sulmuesin Armando Sadiku. “Ka pasur interes kur ishte Panucci për Guidara. Kërkoi takim me lojtarin, por nuk u arrit për shkak se ishim në grumbullim. E kemi nën vëzhgim, nuk ka dokumentacionin e duhur akoma”, u shpreh Bulku.
Në lidhje me sulmuesin elbasanas, ndihmësi i trajnerit Edoarda Reja: “Herën e fundit Sadiku ishte i dëmtuar. Sot ka folur dhe ka thënë që i ka kërkuar leje trajnerit. Nuk ka prapaskena fare. Ishte në listë pritje fillimisht, një zgjedhje teknike e trajnerit”. /abcnews.al
Vladimir Prenga14:01 | 16/11/2019
Eros Grezda mund të largohet në janar nga Glasgow Rangers dhe për të ka disa skuadra të interesuara, pavarësisht se ai nuk po luan në ekipin e parë në Skoci. Anësori i kombëtares shqiptare së fundmi po lakohet si opsion te gjigantët e Besiktas.
Sikurse raporton Hurriyet, skautët e klubit e kanë pësuar temë diskutimi mes tyre emrin e sulmuesit anësor nga Gjakova. Momentalisht kjo është situata dhe mbetet për t’u parë nëse do të binden për të tentuar transferimin e tij.
Rangers në verë pagoi rreth 3 milionë euro te kroatët e Osijek dhe deri më tani Grezda nuk ka bindur, për më tepër që ka pasur edhe probleme disiplinore. Gjithsesi sulmuesi po reagon dhe po mundohet të bëjë përshtypje të mira me ekipin e dytë, ku ka luajtur dhe ka shënuar gola.
Në Turqi me siguri e mbajnë mend paraqitjen e mirë që ka bërë me Shqipërinë, kur kuqezinjtë triumfuan 2-3 në Antalya. Një prej golave e shënoi pikërisht Grezda, i cili pret me padurim të shkojë në një ekip ku të jetë pjesë e rëndësishme e formacionit. /abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
