Policia e Shtetit ka njoftuar se në Shqipëri janë arrestuar 9 persona në kudër të operacionit “Bosphorus” për trafikun e armëve të prodhuara në Turqi.
“Në Shqipëri, në kuadër të operacionit, me qëllim raportimin nëpërmjet Siena, nuk ka patur raste të konstatimit/sekuestrimit të armëve të konvertuara apo gazi apoalarim, por janë sekuestruar 7 armë zjarri, nga këto: 3 pistoleta, 3 automatikë dhe 1 mitraloz, 881 fishekë, sasi të vogla cannabis sativa, paketa cigaresh dhe 2 dokumente false (Leje qëndrimi dhe leje drejtimi polake), si dhe janë arrestuar 9 persona”, thotë policia.
LEXO edhe: EUROPOL godet grupin e trafikut të armëve nga Turqia në Shqipëri, sekuestrohen 191 pistoleta
Ndërkohë gjatë ditës së sotme Europol njoftoi se pas një operacioni ndërkombëtar kundër trafikut të armëve u sekuestruan rreth 1 585 armë zjarri.
24 vende evropiane mbështetur nga institucionet dhe agjencitë e BE përfshirë Europol, kryen një operacion për sekuestrimin e armëve me origjinë turke që trafikohen ilegalisht në BE përmes Bullgarisë dhe vendeve të tjera.
n.d./abcnews.al
