Vijojnë në të gjithë vendin operacionet për kontrollin e dokumentacionit të makinave luksoze dhe ndalimin e personave të dyshuar me precedentë penale.
Sipas burimeve nga policia e shtetit u janë nënshtruar kontrollit të imtësishëm mbi 100 automjete luksoze me vit prodhimi nga 2016-2020.
Burimet theksojnë se pjesa me e madhe makinave u janë rikthyer pronarëve ndërsa pjesa tjetër vijojnë të jenë të bllokuara për shkak se pritet informacion nga vendi i origjinës se prodhimit të makinës.
Në kryeqytet janë ngritur disa pika kontrolli, ABC News ishte tek sheshi shqiponja për të parë nga afër aksionin e policë.
Referuar burimeve nga blutë e kryeqytetit, deri më tani në Tiranë janë 9 mjete të bllokuara që po u nënshtrohen verifikimeve të imtësishme. Gjithashtu burimet kanë theksuar se deri më tani, nuk ka mjete të bllokuara si të parregullta.
Polica bën me dije së mjetet i nënshtrohen kontrollit nga ekspertët e sektorit të trafiqeve dhe verifikohet në sistem nëse automjeti është i vjedhur. Gjithashtu ekspertet kontrollojnë shasinë e makinës nëse ka ose jo ndërhyrje.
Ky aksion për verifikimin e automjeteve të luksit, është bërë pasi mund t’i vijë në ndihmë dhe mund të jetë objekt i Operacionit Forca e Ligjit.
Polica e shtetit konfirmon gjithashtu së 134 personat e shoqëruar në rang vendi nuk ka pasur konstatime për ndonjë shtetas me precedent penal ose rekorde kriminale. Disa prej të shoqëruarve kanë rezultuar përdorues të lëndëve narkotike dhe janë duke u mbajtur nën vëzhgim.
Të shtunën policia njoftoi vendosjen në masën e sekuestros të mjeteve të Durim Bamit, Dashamir Gjokës, Aleksandër Lahos me nofkën “Rrumi” i Sukthit dhe Saimir Taullaut, bëhet fjalë për një makinë “Nisan Patrol” e vitit 2018 e blerë në shumën 150 mijë euro.
Që të 4 personat janë me precedentë kriminal.
Gjithashtu burime i thanë ABC News se Saimir Taullau ka dorëzuar dokumentacionin për justifikimin e pasurisë në limit të afateve ligjore.
Referuar të dhënave zyrtarë nga Qendra Kombëtare e Biznesit, rezulton se Saimir Taullau është pronar i një kompanie që zotëron biznese në fushën e ndërtimit dhe zbatimit të punimeve, prodhim inertesh e ndërtime rrugësh, projektim, montim dhe shërbim për pikat e karburantit, transport i pasagjerëve për llogari të vetat dhe të personave të tretë dhe shitje karburantesh me pakicë, plus hotel, bar-kafe, lavazh e restorant.
Ndërkohë ditën e hënë është njoftuar se do të dorëzohet në Prokurorinë e Posaçme dosja e pasurisë për kreun e bandës së Durrësit, Lulzim Berisha./abcnews.al
