Loading ...
Koronavirusi ka “çakorduar” sistemet e Shëndetësisë në thuajse të gjitha shtetet e prekura, sipas një studimi të bërë nga Organizata Botërore e Shëndetësisë.
Të dhënat për zhvillimin e këtij studimi janë mbledhur nga agjencia mes marsit dhe qershorit.
Shumë takime rutinë dhe skanime janë anuluar, ndërsa pandemia ka ndikuar rëndë tek kujdesi i atyre në gjendje kritike, përfshirë këtu trajtimi i kancerit.
Vendet me të ardhura të mesme dhe me të ardhura të ulëta raportuan vështirësitë më të mëdha, sipas OBSH.
Në më shumë se gjysmën e vendeve, kontracepsioni dhe planifikimi familjar u prekën (68%) si dhe trajtimi i çrregullimeve të shëndetit mendor (61%) dhe trajtimi i kancerit (55%).
Ndërsa, shërbimet e urgjencës, shpëtuese të jetës u prekën në një të katërtën e vendeve. /abcnews.al/
