Pas plot 6 sezonesh te “katalnasit” e Barcelona, ku nuk arriti do të shkëlqente siç duhet, kjo edhe për shkak të dëmtimeve të njëpasnjëshme, “fantazisti” francez, Ousmane Dembele u transferua, merkaton e kësaj vere, “gjigantët” francezë të PSG, për shifrën e 50 milionë eurovë, mirëpo sërish “pistoni” i krahut të djathtë të sulmit, nuk po shkëlqen pasi në 13 ndeshjet e para me “parisienët” ende nuk e ka gjetur rrugën e rrjetës.
Megjithatë, vetë 26-vjeçari pret që kjo situatë të ndryshojë shpejt ndërsa zbuloi se arsyeja pse gabon aq shumë para portës është sepse mbërrin “i lodhur” në zonë pasi ka dribluar kundërshtarët më përpara.
“Ishte e shkruar që do të firmosja për PSG, kam shumë shokë aty. E dashuroj këtë klub dhe kjo është arsyeja pse jam transferuar në Paris. Luis Enrique? Ai më provokon shumë, kërkon që të krijoj raste, të shënoj gola. E di që duhet të shënoj më shumë, por para portës ndonjëherë gaboj sepse mbërrij i lodhur pasi kam kaluar një apo më shumë kundërshtarë.
Megjithatë, jam i bindur se sa më shumë ndeshje të kalojnë aq më shumë do të përmirësohem. Tani jam më i qetë dhe nuk dyshoj te vetja ime, jam 26-vjeç dhe e di që do të përmirësohem”, u shpreh “ylli” francez. /i.m /abcnews.al
