Barcelona, Milan apo Juventus duhet të presin. Memphis Depay nuk do të largohet nga Lyon këtë muaj. Ylli holandez, njëkohësisht kapiteni i ekipit francez, ndodhet në vitin e fundit të kontratës.
Presidenti i klubit që kryeson Ligue 1, Jean-Michel Aulas, me anë të një postimi në rrjetet sociale, thur elozhe për Depay dhe flet qartë rreth së ardhmes së tij.
“Memphis Depay duhet të presë përfundimin e këtij sezoni për t’u larguar nga Lyon. Do të ishte mirë ta linim të qetë atë, i cili është një kapiten ekzemplar.
Transferts : Memphis Depay devrait attendre la fin de saison avant de quitter l’OL @OL ce serait bien de laisser en paix Memphis ,un capitaine exemplaire . Après la 1/2 de CL Il peut emmener l’OL très haut cette année:il sera tjrs chez lui à l’OL! https://t.co/xx4GtOenXX
— Jean-Michel AULAS (@JM_Aulas) January 7, 2021
Njësoj si sezonin e kaluar kur mbërritëm në gjysmëfinalen e Champions, ai mund ta dërgojë larg Lyon këtë sezon. Kjo do të jetë gjithmonë shtëpia e tij“, shkruan Aulas.
Lyon synon fitimin e titullit kampion këtë sezon. 26-vjeçari është pika më e fortë e ekipit dhe presidenti ka vendosur të mos lejojë largimin e tij, duke e humbur me parametra zero në verë. /abcnews.al
