Të burgosurit në burgun shtetëror të San Quentin, i cili u vizitua nga i ndjeri Johnny Cash, në Kaliforni, SHBA, kanë mundësinë të bëhen producentë filmash dhe televizioni.
Në një program të ri trajnimi, të burgosurit në një burg për meshkuj në Kaliforni po mësojnë aftësitë e prodhimit të filmit dhe televizionit. Programi mbështetet nga producenti hollivudian Scott Budnick, i njohur për serinë e filmave “The Hangover” dhe themelues i Koalicionit Anti-Recidivism.
Koalicioni Anti-Recidivism është një organizatë jofitimprurëse që promovon reformën e drejtësisë penale në mënyrë që të rinjtë e burgosur të mund të punojnë për të mbështetur njëri-tjetrin.
Ekipi i kineastëve përbëhet nga të burgosur që vuajnë dënime të gjata, të cilët punojnë së bashku në Forëard This Productions me synimin për të filluar karrierën kur të lirohen.
Si pjesë e projektit, ata kanë mësuar të përdorin kamera dhe të merren me montazh dhe skenar.
“Jo vetëm që jemi të apasionuar pas asaj që bëjmë, por e dimë me siguri se për pjesën tjetër të jetës tonë kjo është pothuajse ajo që duam të bëjmë”, tha Anthony Gomez, 26 vjeç, i cili po vuan një dëmin për 21 vite.
Qëllimet e programit janë të gjejnë punë në industri dhe të ofrojnë shanse të dyta për të burgosurit, tha për THR Jesse Vasquez, drejtor ekzekutiv i Pollen Initiative, organizatë jofitimprurëse që mbështet Forward This.
“Akti juaj më i keq nuk duhet të të përcaktojë për pjesën tjetër të jetës,” vuri në dukje ai.
Të burgosurit janë monitoruar përmes Zoom nga figura kryesore në industrinë e argëtimit. Ata përfshijnë redaktorin e “The Joker” Jeff Groth dhe skenaristin e “Booksmart” Susanna Fogel.
Këngëtari i Country Johnny Cash ka dhënë gjithashtu dy koncerte në burgun e San Quentin.
/abcnews.al
