filma
Berlin, Germany - November 04: Antonio Guterres, High Commissioner for Refugees of UNHCR, attends a press conference in german foreign office on November 04, 2015 in Berlin, Germany. (Photo by Michael Gottschalk/Photothek via Getty Images)

collage-14.jpg
So Nila15:55 | 11/02/2020

Në vetëm pak muaj, “Parasite” u bë filmi që arriti të triumfonte në Festivalin e Filmit në Kanë, duke rrëmbyer çmimin më të rëndësishëm, Palme d’Or, u bë filmi i parë nga Koreja e Jugut që fitonte një Golden Globe dhe bëri histori në Oscars, duke u bërë filmi i parë jo në gjuhën angleze që fiton “Best Picture”, ku në gjithë historinë e Oscars janë nominuar vetëm 11 filma ndërkombëtarë në kategorinë e “Filmit më të mirë”.

Për tifozët e regjisorit Bong Joon Ho, filmi i të cilit fitoi edhe për “Regjinë më të mirë”, “Skenarin më të mirë” dhe “Filmin më të mirë në gjuhë të huaj”, Oscar qe padyshim një arritje e jashtëzakonshme, megjithëse ai punon prej vitesh dhe ka sjellë disa filma që meritojnë vëmendje po aq sa “Parasite”.

Quentin Tarantino, siç theksoi edhe Bong në fjalimin e tij në Oscars, ka qenë ndër të parët që është përpjekur të sjellë filmat e Bong në botën anglishtfolëse.

Filma të tjerë që sugjerojnë fansat e Bong janë:

1.”Barking Dogs Never Bite”(2000)

 

I frustuar nga qentë që lehin me zë të lartë, Sung-jae Lee organizon një luftë kundër qenve në apartamentet rrotull.

2.”Okja” (2017)

 

 

Për 10 vite, Mija ka qenë kujdestare dhe shoqëruese e vazhdueshme e Okja-s, një kafshë masive, për të cilën kujdeset në shtëpinë e saj në mal. Por gjithçka ndryshon kur Okja-n e transportojnë në New York.

3.”The Host” (2006)

 

Një përbindësh i paidentifikuar shfaqet në lumin Han në Seul dhe vret me qindra njerëz dhe rrëmben Hyun-Seo. Kur familja e saj mëson se po mbahet rob, vendosin ta shpëtojnë atë. “The Host” është filmi me fitimin më të madh i të gjitha kohërave në Korenë e Jugut.

4.”Memories of Murder” (2003)

 

Një dedektiv i njohur në qytet ndihmon dy policë të hetojnë një vrasës serial.

5.”Snowpiercer” (2013)

 

Një eksperiment që tenton të ndalojë ngrohjen globale shkon keq dhe shkakton një epokë akullnajash.

6.”Mother” (2009)

 

Një e ve (Kim Hye-ja) jeton me djalin e saj me probleme mendore, (Won Bin) në një qytet të Koresë së Jugut, ku ajo pastron dhe shet bimë medicinale. Nëna dhe djali bëhen pjesë e një makthi, ku zbulohet trupi i vrarë i një vajze. Pasi akuzat rëndojnë mbi të birin dhe sistemi i drejtësisë nuk funksionon, nëna merr kontrollin e situatës./abcnews.al

 

trebicka-649x365-1.jpg
nev ila20:10 | 28/01/2020

Aktori dhe regjizori i njohur Alfred trebicka  ka reaguar ashpër ndaj filmave të Ermal Mamqit dhe Bes Kallakut, duke i quajtur “sharlatanë të kinemasë”.

Në reagimin e tij aktori Trebicka u shpreh se në Shqipëri njerëz pa asnjë lloj formimi dalin e vetëquhen kineastë, ndërsa i bëjnë të gjitha vetë nga regjia, skenarët dhe roli.

Gjatë një prononcimi për emisionin televizion “Vizioni i Pasdites”, aktori nuk ka përmednur emra por dihet se filmat e fundit të trasmetuar janë “I love Tropoja” i Mamaqit dhe “Falko” i Bes Kallakut.

Trebicka është shprehur se se fjala kineast është fjalë shumë e madhe dhe që një person ta zotërojë atë duhet ta pyesë mirë veten nëse i ka komponentët e duhur.

“Vetëshpallen kineastë, nuk dua ti përmend me emra sepse nuk është etike, por po i shohim nga dita në ditë, një film nga ky, një film nga ai dhe thua ore kush është ky që thotë një film ka ky. Ore bëjnë skenarin vetë, regjinë vetë, rolet vetë. Është e pamundur sepse nga historia e kinemasë, nga përvoja ime, vazhdimisht them me vete nëse ka art më të vështirë për tu ekzekutuar është arti i kinemasë, është art kompleks ka të bëjë me imazhin, zërin me mendimin, filozofinë, një mori komponentësh. Një njeri që vjen nga asgjëja dhe thotë do të bëj film,” ka thënë ai.

Ndërkohë në lidhje me filmat e fundit që janë prodhuar në Shqipëri duket se regjizori ka rezervat e veta, pasi sipas tij të bërit kinema dhe filma nuk është çështje tregu.

“Këtu janë keqkuptuar shumë gjëra të tjera. Të bërit kinema apo film nuk është çështje tregu. Ka kapur tregun ky, di se çdo tregu ky, cili treg? Për cilin treg flasin këta? Unë si profesionist do ti quaja sharlatanë këta janë sharlatanë të këtij arti të madh siç është kinemaja. Dhe trumbetojnë, kanë ca mjete, kanë gjetur ca burime financiare që ata e dinë, punë e tyre as hyj dhe as nuk më intereson fare. Ti mund të kesh aftësinë për të gjetur këtë por deri këtu, kur vjen puna për të nivelin profesional që do një vepër siç është filmi artistik “ndalu beg se ka hendek”, është shprehur Trebicka

Ndërsa shtoi se ka heshtur deri më sot, por tashmë e ka të pamundur pas sipas tij të vetëshpallurit kineastë janë bërë si viruse të frikshme./abcnews.al

filma15.jpg
Autor E15:51 | 31/12/2019

10. The Intouchables – I shkruar dhe drejtuar nga dyshja Olivier Nakache dhe Eric Toledano, “The Intouchables”, është një komedi inspiruese rreth miqësisë, besimit dhe mundësive që njerëzit kanë kur janë pozitiv.

I bazuar në historinë e vërtet të një milioneri të paralizuar dhe një ish të dënuariq që punëson për tu kujdesur për të, edhe pse nuk kanë asgjë të përbashkët mësojnë shumë nga njëri tjetri. E çka mund të kërkoni më shumë për të përmbyllur vitin se sa një histori inspiruese?!

9. The Bucket List – Dy prej aktorëve më të mirë të gjeneratës së tyre Jack Nicholson dhe Morgan Freeman, në vitin 2007 ishin bërë bashkë për të filmin “The Bucket List”, i cili tashmë ka hyrë në radhën e “klasikëve” të paharrueshëm të filmave. Milioni Edëard Cole (Jack Nicholson), dhe mekaniku i veturave Carter Chambers (Morgan Freeman), dy të panjohur deri në momentin që fati i keq i bashkon në një dhomë spitali.

Të diagnosfitikuar me kancer ata krijojnë një “Listë të dëshirave” për t’i bërë para se të vdesin. Nëse dëshironi të reflektoni këtë fundvit, ky është filmi që kërkoni, përcjell “Zeri.info”.

8. Catch Me If You Can – Në klasikun e vitit 2002, Leonardo Di Caprio, sjell një interpretim fantastik të një djaloshi të ri i cili ndryshon dhjetëra profesione. Doktor, avokat, ndihmës piloti për një kompani të madhe dhe të gjitha këto para se të mbush 18 vite.

Si një mjeshtër i mashtrimit, Frank Abagnale me vetëm 17 vite ishte bërë hajduti më i suksesshëm i bankave në histori të SHBA-ve. Megjithatë skena kur i arratisuri Frank (Leonardo Di Caprio) dhe detektivi Carl (Tom Hanks) bisedojnë njëri me tjetrin në natën e Krishtlindjeve, tregon edhe njëherë për nevojën që njerëzit kanë për të folur me dikë këto ditë. Përfundimisht film që ia vlen ta shikoni këto ditë.

7. Dumb&Dumber – Festat e fundvitit nuk mund të paramendohen pa një prej klasikëve të komedisë si “Dumb&Dumber”. Jim Carrey dhe Jeff Daniels ju garantojnë për një rreth dy orë të mrekullueshme. Nëse dëshironi të harroni gjithçka për pak kohë dhe të zbaviteni shikojeni “Dumb&Dumber”.

6. Godfather 2 – Në shikim të parë “The Godfather” mund të mos duket një film tipik për festat e fundvitit. Mafia, vrasjet dhe skena të tilla mund të ju shpërqëndrojnë mirëpo në vazhdimin e dytë të kësaj triologjie dhe një shikim nga një perspektivë tjetër, mund të shikoni se ky film prek një prej gjërave për të cilët të gjithë ne kujdesemi më së shumti. Familjen, transmeton “Zeri.info”.

5. New Year’s Eve – Vetëm shikoni këta emra dhe pastaj vlerësoni se a duhet ta shihni këtë film: Robert De Niro, Michelle Pfeiffer, Sara Jessica Parker, Hilary Swank, Ashton Kutcher, Zac Efron, Josh Duamel, Halle Berry, Jon Bon Jovi, Katherine Heigl etj. Një ndërthurje historish rreth premtimeve, dashurisë, shpresës, faljes dhe shanseve të dyta në jetë. Film që patjetër duhet të jetë në listën tuaj.

4. Love Actually – Një tjetër film i cili analizon kompleksitetet e një emocioni të vetëm që na lidh ne të gjithëve. Dashuria. Hugh Grant, Liam Neeson, Keira Knightley, Emma Thompson, Alan Rickam, Colin Firth etj, nuk do të ju zhgënjejnë për të ju sjellë nga afër emocionet dhe rëndësinë e dashurisë. E kujt nuk i dihet pak dashuri për të përmbyllur vitin?

3. GrundHog Day – Çfarë do të bënit sikur të zgjoheshit shtatë ditë me radhë në të njëjtën ditë. Bill Murray në një prej paraqitjeve të tijë të shkëlqyeshme, e gjenë veten të zënë në kurthin e kohës. Ai është i “mallkuar” që të jetoj të njëjtën ditë deri në momentin sa e jeton atë si duhet dhe vlerëson gjërat që kanë rëndësi në jetë.

2. The Family Man – Ka dy arsye pse filmin “The Family Man”, e kam vënë kaq lartë në listë. E para: Asnjëherë mos zgjidhni karrierën para dashurisë. E dyta: Familja është gjithçka që në të vërtet ka rëndësi. E filmi “The Family Man”, provon që të përcjellë pikërisht këtë mesazh. E çfarë mesazhi më të rëndësishëm do të mund të merrnit përmes një filmi për fundvit?

1. Home Alone – Klasiku më i mirë komik që ka lidhje me festat e fundvitit nuk ka se si të mos jetë në pozitën e parë. Kevin, idhulli i të gjithë fëmijëve për gjenerata të tëra, do të ju ofroj gjithçka që dëshironi për këto festa. Megjithëse me shumë mundësi e keni parë të gjithë këtë film, po ta rishikoni përsëri nuk do tu bëjë keq aspak. Gëzuar festat e fundvitit.

785-0-5d53db0c180a3.jpg
So Nila12:35 | 14/12/2019

E dimë atë ndjesinë kur një mikeshë apo mik na fton për të dalë në fundjavë dhe me seriozitetin e një njeriu super të zënë me punë ja presim shkurt; “Më vjen keq, kam shumë punë”.

Edhe sekretin e vërtetë të ‘punëve’ e dimë mirë dhe ai quhet Netflix. Në fakt nuk e dimë nëse janë bërë statistika se sa janë reduktuar daljet fundjavave me nxjerrjen në treg të platformës Netflix.

Pra për ata që mezi po presin  ta bëjnë ‘gropë’ divanin apo krevatin  këtë fundjavë duke parë filma a seriale, ne dimë gjithashtu se në morinë e dhjetra titrash sa e vështirë bëhet të zgjedhësh se cilin, duhet të shihni.

Më poshtë ju rendisim disa ide për fimin(at) e kësaj fundjave në Netflix!

1. “The Crown”

Një dramë historike që tregon jetën e mbretëreshës Elisabeta e II-të.

2.“Friends From College”

Nëse jeni më shumë se në humor për komedi, ky është filmi i duhur.

3. “Dear White People”

Një serial satirik që tregon jetën e disa të rinjve me ngjyrë, që ndjekin një kolegj të bardhësh.

4.“Grace and Frankie”

Në fakt duhet ta mendoni sërish telefonatën e mikeshës në fillim të mbrëmjes! Po sikur t’ja ndryshoni mendjen e të kaloni një super mbrëmbje duke parë këtë komedi?!

5. “Crazy Ex-Girlfriend”

Një komedi musical që trajton marrëdhëniet dhe shëndetin mendor, në një mënyrë të atillë që asnjë ‘shoë’ tjetër televiziv nuk e ka bërë. (Kaq mjafton mendojmë për t’ju bërë kuriozë).

6. “Parks and Recreation”

Doni të qeshni me orë të tëra? Të shtatë sezonet e “Parks and Recreation” janë të tilla.

7. “Shameless”

Kjo familje jofunskionale do t’ju fiksojë!

 8.“How to get away with murder”

Dramë, mister, intrigë, dhe një kast të mrekullueshëm në këtë serial do të gjeni gjithçka që doni të shihni në një show krimi.

9.“The good place”

Është një ndër show më të zgjuar dhe nëse ende nuk e keni parë nuk e keni idenë se çfarë keni humbur./abcnews.al

 

780-0-1420131399tv_watching_000002754266sm.jpg
So Nila15:35 | 07/12/2019

1.”A Christmas Story”

“A Christmas Story” është konsideruar nga “The New York Times” si filmi më i mirë i Krishtlindjeve që është realizuar ndonjëherë.

2.”How the Grinch Stole Christmas”

Ka Krishtlindje pa Grinç? Sigurisht që jo.

3.”Love Actually” (2003)

Shumë ngjarje ndodhin brenda një filmi që do t’ju mbajë me sytë katër nga fillimi deri në fund.

4.”Home Alone” (1990)

Pa Kevin, s’ka Krishtlindje! Sado vite të kalojnë do t’i rikthehemi gjithnjë filmit me të cilin identifikojmë festat e fundvitit.

5.”The Passion of the Christ”

Pak ditë para Krishtlindjeve bëni mirë të shihni një film që flet për historinë e njerëzimit që nga lindja e Krishtit. “Pasioni i Krishtit” me nja kast të paparë aktorësh do t’ju mbërthejë pas televizorit nga fillimi gjer në fund. Një tjetër alternativë është filmi “Jesus”.

6.”Natale a Miami”

Asnjë festë fundviti s’duhet të kalojë pa parë të paktën një film nga Massimo Boldi dhe Christian De Sica. Ndodhitë e tyre të Krishtlindjeve i bëjnë edhe më të bukura pushimet tona.

7.”Little Women” (1994)

Ky bën pjesë tek ata filma, historia e të cilës mund të përsëritet pafund dhe s’të mërzitet kurrë. “Gra të vogla” do t’ju zgjojë edhe më shumë ndjesi nëse e shihni prag Krishtlindjeve.

8.”Carol” (2015)

Një film rreth dashurisë, identitetit, martesës, seksualitetit dhe ndjenjave të ndaluara.

9.”Edward Scissorhands” (1990)

“Eduard Duargërshëra” siç jeni mësuar ta dëgjoni, s’mund t’i mungojë kësaj liste.

10.”While you were sleeping” (1995)

Një histori e ëmbël dashurie…

Ska krishtlindje pa Grinç por as pa histori dashurie./abcnews.al

index-1573141107.jpg
So Nila09:05 | 05/12/2019

Revista prestigjoze The New York Times ka publikuar së fundmi listën me filmat me të mirë të vitit 2019. Me siguri në listën me 10 filma do të përfshihet edhe filmi i preferuar i juaji, nëse jo hidhini një sy listës për të zgjedhur filmin e ri që do të shihni me shoqërinë ose të dashurin tuaj në fundjavë.

1. Honeyland (Tamara Kotevska dhe Ljubomir Stefanov)

I ideuar si një video informative e porositur nga qeveria, ky dokumentar është as më pak e as më shumë se një alegori komike për problemin e vjetër sa vetë bota: fqinjët e pasjellshëm.

2.The Souvenir (Joanna Hogg)

Honor Swinton Byrne luan një version të regjisores kur ishte e re në një film autobiografik që gjithashtu mund të interpretohet si historia e origjinës së një superheroi.

3.The Irishman (Martin Scorsese)

Çfarë është kinematografia? Nëse keni tre orë e gjysmë kohë, përgjigjen e gjeni këtu.

4.Parasite (Bong Joon Ho)

Një film që do t’ju bëjë të ndiheni keq për gjendjen në të cilën ndodhet bota dhe mirë për gjendjen në të cilën ndodhet kinematografia.

5.Little Women (Greta Gerwig)

Gëzimet dhe hidhërimet e një familjeje kreative në Massachusetts, përgjatë shekullit të 19.

6.Once Upon a Time… in Hollywood (Quentin Tarantino)

Një tjetër përgjigje e pyetjes “çfarë quhet kinematografia) me bonus sytë e Brad Pitt dhe Leo Di Caprio dhe këmbët e Margot Robbie.

7.Marriage Story (Noah Baumbach)

Gëzimet dhe hidhërimet e një familjeje kreative në New York dhe Los Angeles, përgjatë shekullit të 21.

8.The Edge of Democracy (Petra Costa)

Ky dokumentar shqetësues shpalos ngjarjet që i paraprinë zgjedhjes së populistit Jair Bolsonaro-s si president i Brazilit dhe është filmi më i frikshëm i vitit.

9.Peterloo (Mike Leigh)

Politika britanike në 1819-n, plot pasion dhe madhështi, mosbesim dhe fraksionizim. Duket sikur ka kaluar shumë pak kohë që nga ato ditë.

10.Atlantics (Mati Diop)

Një dramë e paparashikueshme mbinatyrore, e rrënjosur në komentin e shoqërisë të botës reale.

filmaa.jpg
So Nila10:51 | 04/12/2019

Të ndihesh sërish e motivuar pas një periudhë të vështirë nuk është aq e thjeshtë sa thuhet, por gjithsesi jo e pamundur. Nëse keni kaluar një ditë të keqe, apo thjesht ndiheni “pa shpresë”, fillimisht kujtoni që do të kalojë dhe më pas shihni një film! Një nga ata filma që do t’ju bëjnë ta shihni jetën nga një tjetër këndvështrim.

1.The Pursuit of Happyness

Kur ndihesh se je në fund, e vetmja zgjidhje që ke është të shkosh sërish lart. Ky film do t’ju bëjë të qani, aq sa do t’ju mbushë me shpresë!

2.Good Will Hunting (1997)

Ndihma mund të vijë nga burime që ju s’e prisni. Besoni tek vetja që të tjerët të besojnë tek ju!

3.Dead Poets Society (1989)

Ky film do t’ju mësojë kuptimin e vërtetë të shprehjes “carpe diem” (kape çastin).

4.Erin Brockovich (2000)

Mos lini askënd t’ju thotë se s’mund të luftoni për të drejtat tuaja. Historia e gruas të quajtur Erin, do t’ju provojë pikërisht këtë!

5.It’s A Wonderful Life (1946)

Imagjinoni për një çast si do të ishte bota nëse ti s’do të ekzistoje? Me siguri, jo kaq e mrekullueshme sa jeta sot!

 

 

halloween.jpg
ad min19:50 | 11/10/2019

Megatek, hipermarketi më i madh në Shqipëri dhe në Rajon sjell për herë të parë gamën më të madhe të produkteve Halloween. Janë me mijëra artikuj unikë të përzgjedhur nga koleksioni i industrisë amerikane të filmave Hollywood, më i madhi i llojit të vet.

Duket si një skenë filmi në Hollywood por është shumë më afër, në Megatek.

Janë vetëm disa nga mijëra artikuj unik që Hipermarketi më i madh në Shqipëri dhe në Rajon i sjell për herë të në vendin tonë.

Një gamë tërësisht e dedikuar për këtë festë të veçantë, secili nga artikujt është përzgjedhur nga koleksioni I industrisë Amerikane të filmave Hollywood, më i madhi i llojit të vet.

Një skenografi mahnitëse e ndërtuar në ambientet e Megatek që u jep mundësinë konsumatorëve të gjejnë gjithçka i duhet për të plotësuar ëndrrat e tyre dhe të fëmijëve, duke i shndërruar ambientet e shtëpisë apo biznesit në një skenë filmi Hollywood-ian.

Ky koleksion unik i shtohet gamës prej 62 mijë artikujve që Megatek ofron nën një çati me çmimet më të mira në treg. Surpriza nuk mbaron me kaq, sepse Megatek me rastin e hapjes së këtij sektori ka nisur fushatën e uljeve në çdo department.

Oferta të shumta për ata që duan të mobilojnë apo dekorojnë ambientet e tre. Ambazhure dhe lloje të ndryshme ndriçuesish me çmime nën kosto. Nuk mungojnë ofertat edhe në pajisjet hidrosanitare dhe parketet laminat dhe dru. Megatek nuk harron asnjëherë amvisat e kuzhinës të cilave I ka rezervuar ulje në shumë artikuj të domosdoshme për to.

Këto dhe shumë oferta të tjera nuk do të mungojnë në hipermaketin Megatek ku jo vetëm bëni blerje të zgjuara e të domosdoshme për shtëpitë e bizneset tuaja, por edhe realizoni një copëz ëndrre amerikane me dekorimin e ambienteve tuaj në ditën e shënjtorëve që në mbarë botën njihet si festa e Halloween./abcnews.al

kineastet.jpg
ad min18:51 | 08/10/2019

Shfaqja e filmave të kohës së diktaturës vijon të ndajë artistët. Të pyetur nga ABC News, ata që janë pro, mbështeten në modelin e Spanjës, që ata filma i shfaq lirisht. Të tjerë mendojnë se shfaqja e filmave të para viteve 90 duhet shoqëruar me shënime.

Spanja i ka lënë të lirë shfaqjen e filmave të prodhuar nën ndikimin fashist sipas kritikut të artit spanjoll Daniel Verdu.

Ndërsa në Shqipëri, dy vite më parë ideja e drejtorit të Institutit të Krimeve të Komunizmit, Agron Tufa, për t’u bllokuar filmat që shtrembërojnë historinë ndau në dysh kineastët. Debati “Përballja me të shkuarën” nga syri i kinemasë e risjell edhe një herë në fokus. Skenaristja Natasha Lako, thotë të marrim shembull Spanjën.

Edhe regjisori Mevlan Shanaj është kategorisht kundër bllokimit. Ema Andrea, e cila e nisi karrierën artistike në prag të rënies së diktaturës thotë se shfaqja e këtyre filmave duhet shoqëruar me shënime.

Lako e Shanaj pranojnë se censura dhe autocensura asokohe për krijuesit ishte e fortë, por nuk i mohojnë vlerat historike edhe brenda skematizmit. Artistët edhe në vlerat e kinemasë sot ndajnë mendime të ndryshme.

Në debatin për historinë dhe kinemanë organizuar nga ambasada spanjolle ishin të pranishëm intelektual dhe dashamirës të filmit./ABC News Albania 24/7

festivali-i-filmit.jpg
ad min17:00 | 13/09/2019

Të hënën në Tiranë nis edicioni i 14-të i festivalit për të drejtat e njeriut. Siparin e hap filmi “Tradhtari” me regji të italianit Marco Bellocchio. Sipas drejtorit të festivalit Kujtim Çashku, motoja e këtij viti është “injoranca vret”.

“Injoranca vret”. Ky është fokusi i edicionit të 14-të të festivalit për të drejtet e njeriut. Nga 3500 aplikime janë përzgjedhur 44 produksione nga e gjithë bota. Shumica e filmave sipas drejtorit, Kujtim Çashku janë të ndaluar në vendet e tyre për shkak të tematikave të mprehta që trajtojnë në raport me politikën.

Siparin e ngre filmi “Tradhtari” i regjisorit italian Marco Bellocchio. Përgjatë 6 ditëve do të projektohen filma të ndryshëm me praninë e regjisorëve, aktorëve apo producentët, por nuk do të mungojnë edhe forumet e shumta me targetgrupe të ndyshme, nxënës shkollash, apo të burgosur.

Përveç Akademisë së Filmit dhe Multimedias Marubi, si dhe Arkivit Qendror Shtetëror të Filmit, filmat do të shfaqen edhe tek “Europe House”, Akademia e Sigurisë, dhe COD./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono