Ngrica dhe mjegull, vijon ndikimi i të ftohtit siberian në vend

schedule07:20 - 14 Dhjetor, 2021

schedule 07:20 - 14 Dhjetor, 2021

Vijon ndikimi i të ftohtit siberian mbi vendin tonë, duke bërë që moti të karakterizohet nga kthjellime dhe ngrica gjatë pjesës së parë të ditës kryesisht në zonat malore.

Ndërsa, në zonat luginore do ketë prezencë të mjegullës. Por pjesa e dytë e ditës sjellë kalime vranësirash në gjysmën lindore të vendit edhe pse nuk do ketë reshje. Temperaturat e ajrit ulen sërish ndjeshëm në mëngjes duke shënuar -7°C në verilindje po ashtu rënie sjellin edhe orët e mesditës duke zbritur maksimumin në 11°C.

Era do të fryjë mestare deri e forte me shpejtësi 45 km/h nga drejtimi permanent Verilindor duke krijuar në brigjet detare dallgëzim 3-4.

Kosova

Masat ajrore të ftohta por të kthjellëta do të përfshijnë të gjithë republikën e Kosovës, ku në një pjesë të mirë të vendit do ketë ngrica për shkak të temperaturave të ulëta. Parashikohet që këto kushte atmosferike të mbeten gjatë gjithë ditës.

Maqedonia e Veriut

Mot i kthjellët por i ftohtë do të mbizotërojë në republikën e Maqedonisë së Veriut edhe pse herë

pas here do ketë kalime vranësirash nuk priten reshje. Parashikohet që edhe pjesa tjetër e ditës të vijojë me mot të qëndrueshëm. /abcnews.al/