Policia e Vlorës shoqëroi në komisariat disa persona për t’i marre në pyetje në lidhje me përplasjen me armë që ndodhi një ditë më parë në Lungomare. ABC News ka siguruar edhe një video ku shfaqet makina e autorëve tip Land Rover duke u larguar nga vendi i ngjarjes.
ABC News ka siguruar një video ku shfaqet makina Land Rover e autorëve, që u përfshinë në përplasjen me armë në Vlorë.
Siç duket edhe nga pamjet mjeti me ngjyrë të zezë është duke dalë nga rruga e Lungomares, pak minuta pas ngjarjes. Autorët i vunë flakën dhe më pas e braktisën makinën në fshatin Babicë, duke humbur gjurmët.
Policia e Vlorës e ndihmuar nga Forcat e Ndërhyrjes së Shpejtë ushtroi kontrolle në disa zona, por deri tani nuk ka të arrestuar.
Në komisariat u shoqëruan për t’u marrë në pyetje disa persona që mund të kenë dijeni për ngjarjen. Dy grupet u përplasen me armë në Lungomare të Vlorës dhe një person i rastësishëm mbeti i plagosur.
Ai është Dajko Cenodemaj i cili mori një plumb në këmbë.
Një person me precedentë të mëparshëm penalë, i cili para pak kohësh i ka shpëtuar një atentati me bombë, dyshohet se ishte në makinën që u sulmua.
/ABC News Albania 24/7
