Rexhep Tajip Erdogan ka vendosur një biletë për turistët që duan të vizitojnë vendin e Trashëgimisë Botërore të UNESCO-s që ai e ktheu në xhami. Vetëm qytetarët turq do të mund të hyjnë falas në Hagia Sophia.
Ministri turk i Kulturës dhe Turizmit, Mehmet Nuri Ersoy, konfirmoi synimin e Rexhep Tajip Erdogan për një biletë hyrje në Hagia Sophia, duke shpjeguar privilegjin e qytetarëve turq për ta vizituar atë pa pagesë.
Edhe pse Hagia Sophia, një simbol i krishterimit, supozohet të jetë një vend adhurimi fetar për myslimanët, Turqia do të shesë bileta nga janari 2024 e tutje.
“Po vazhdojmë me zbatimin e sistemit të menaxhimit të vizitorëve në xhaminë “Hagia Sofia”. Cilësia dhe siguria e vizitave do të rritet”, theksoi Mehmet Nuri Ersoy.
Duke shpjeguar vendimin, Ersoy tha se “Xhamia e Hagia Sophia është një nga qendrat më të rëndësishme kulturore dhe turistike në botë. Ne kemi bërë disa marrëveshje për të mbrojtur këtë strukturë të rëndësishme dhe për të siguruar që vizitorët të shijojnë një përvojë më të mirë”.
Një nga këto ndryshime është vendosja e një bilete për shtetasit e huaj për të vizituar xhaminë Hagia Sophia. Zbatimi i tij do të fillojë nga 15 janari 2024. Për qytetarët turq, vizita dhe adhurimi do të jetë falas, shtoi ministri turk, duke theksuar se ky ishte rekomandimi i UNESCO-s./abcnews.al
