Në Kukës këtë stinë çdo gjë duket e bukur. Por megjithatë një nga resurset më të mëdha siç është liqeni i Fierzës është i mbushur me plehra që zbarkojne nga Maqedonia.
Pranvera në Kukës duket më bukur se kudo. Liqeni dhe bregu në pjesen jugore afron pamje me të cilën nuk ndahesh lehtë. Musai është nga ata njerëz që vjen çdo ditë këtu. Ai beson që kjo gjë e mban larg stresit dhe lodhjes. Por mbetjet e vrasin bukurinë e liqenit.
Edhe pse pastrohet herë pas here, ato mbulojnë sipërfaqen e tij. Përreth ka lëndina, një kurorë për Kënetën e Kashtes, njërin prej monumenteve të natyrës në Kukës.
LLoje të pafundme zogjsh e peshqish rriten në këtë park. Biologët shohin ecurine e gjallesave. Këneta, përmes një dige ndahet me Liqenine Fierzës, e si për ironi, janë dy pamje krejtësisht të ndryshme.
Ajo është e pastër për shkak të burimeve të saj nëntokësore, kurse Liqeni i tejmbushur me mbetjet nga Maqedonia. Ndoshta dikush do kujtohet për t’i shpëtuar këto resurse të jashtëzakonshme natyrore e të kthehen në burime fitimprurëse.
Gazetar i ABC News, Kukës: Bujar Muçmata
/abcnews.al
