Në kërkim nga SPAK/ Ekstradohen sot nga Dubai 6 shqiptarë, mes tyre dhe anëtarë të grupit të Amant Josifit

Gjashtë shtetas shqiptarë do të ekstradohen sot nga Dubai.

Ata ishin në kërkim ndërkombëtar për veprimtari kriminale në fushat e narkotikëve, krimeve kompjuterike dhe/ose pastrimit të parave.

Në vijim të bashkëpunimit ndërmjet Departamentit për Marrëdhëniet Ndërkombëtare në Drejtorinë e Përgjithshme të Policisë së Shtetit dhe homologëve në Emiratet e Bashkuara Arabe, do të ekstradohen:

-Kristo Qirici alias Jetmir Hoxha alias Jetmir Qirici, i njohur si vëllai i Edmond Papës, i ekzekutuar në dhjetor të vitit 2022. Ai akuzohet për pjesëmarrje në grup të strukturuar kriminal të trafikut të drogës në zonën e Sarandës gjatë viteve 2019–2021.

-Shkëlzen Kraja, sërish pjesë e grupit kriminal së bashku me Kristo Qiricin. Në vitin 2024, atij iu sekuestruan disa pasuri në emër të tij me urdhër të SPAK.

-Aleks Pepaj alias Shkëlqim Pepaj, pjesë e grupit kriminal të Jetmir Pepës, i akuzuar për trafik droge nga Amerika Latine drejt vendeve të Bashkimit Europian.

-Devit Patrut alias Elidon Skendaj alias Devid Boraj alias Fatmir Pepaj.

-Ilir Lazri alias Ilir Sula, 30 vjeç, i akuzuar për pastrim të produkteve të veprimtarive kriminale/veprës penale, kryer në kuadër të grupit të strukturuar kriminal.

-Merxhan Çeliku, 34 vjeç, i akuzuar për mashtrim kompjuterik, kryer në kuadër të grupit të strukturuar kriminal, si pjesë e grupit të Amant Josifit.