Një shtetas endacak ka ndezur zjarr për tu ngrohur dhe në flakë është përfshirë e gjithë stalla pasditen e kësaj të marte në fshatin Marjan të Korçës.
Mësohet se në tentativë për të fikur zjarrin, ai ka pësuar djegie në këmbë dhe do të transportohet drejt Spitalit të Korçës me ambulancë për të marrë mjekimin e nevojshëm, ku sipas të dhënave nuk ka rrezik për jetën.
Ndërkohë, zjarrfikësja po bën fikjen totale të zjarrit, ndërsa policia ndodhet në vendngjarje për zbardhjen e plotë të rrethanave./abcnews.al
