Një 64-vjeçare, e konfirmuar me koronavirus, ka ndërruar jetë në spitalin e Infektivit. Lajmi është bërë i ditur nga Ministria e Shëndetësisë, ndërsa sqaron se 64-vjeçarja vuante edhe nga limfoma e trurit.
Në këtë mënyrë numri i personave që kanë humbur jetën nga COVID-19 në Shqipëri, sipas Ministrisë së Shëndetësisë ka shkuar në 32.
64-vjeçarja e me koronavirus ishte e shtruar prej tre javësh në spital dhe gjendja e saj raportohet se ishte e rëndë. Pavarësisht mjekimit intensiv dhe përpjekjeve të stafit mjekësor, nuk ka mundur të mbijetojë.
Njoftimi:
Mbrëmjen e sotme ka ndërruar jetë në spitalin Infektiv një paciente 64-vjeçare nga Tirana, e konfirmuar me COVID-19, e cila ishte e shtruar prej 3 javësh në spital, në gjendje të rëndë.
64-vjeçarja që vuante prej 4 muajsh nga limfoma e trurit, nuk arriti dot të mbijetonte, pavarësisht mjekimit intensiv dhe përpjekjeve të stafit mjekësor.
64-vjeçarja është viktima e 32 e prekur nga COVID-19 në Shqipëri.
Ministria e Shëndetësisë i shpreh ngushëllimet familjes së të ndjerës dhe apelon edhe një herë qytetarët të respektojnë rregullat e distancimit social, për të mbrojtur veten dhe të tjerët.
