Nga Leontina Nika
Prej 15 ditësh ka nisur puna, për zbatimin e projektit të Bashkisë së Tiranës për rehailitimin e zonës pranë Mozaikut të Tiranës, monument kulture i kategorisë së parë.
Në këtë zonë është parashikuar, ndërtimi i një shatërvani dhe park pushimi.
Hapja e një grope për instalimin e depozitës së ujit që do furnizonte shatërvanin, ka zgjuar polemika , pasi sipas specialistëve në këtë zonë ka të dhëna për potencial arkeologjik.
Drejtori i mozaikut te Tiranës njëkohësisht Drejtor i Drejtorisë Rajonale të monumenteve të kulturës, Olsi Plasa , thotë se hapja e gropës dhe betonizimi i saj është monitoruar nga specialistët dhe nuk ka të dhëna arkeologjike
“Ne kemi rënë dakord që i gjithë sheshi nuk do të ketë gërmimi, dhe nëse do të ketë punime ne do të duhet të shkojme për të marrë leje. Ne e kemi venë re se nuk ka probleme”, ka thënë ai.
Nga ana tjetër ai pranon se do kryhen gërmime pikërisht në këtë zonë.
Ndërsa arkeologu Neritan Ceka , pasi vëzhgon materialin në terren, thotë se këto punime janë të jashtë ligjshme ,
“Në mënyrë absolute të gjithë kjo që ndërtohet është e paligjshme dhe duhej gërmuar dhe të çlirohej monumenti dhe të vendosen bunkierë betoni”, është shprehur Ceka.
Punimet parashikohen sipas tabeles njoftuese që do të zgjasin 5 muaj./abcnews.al
