neritan ceka

Capture-34.png
in a07:10 | 07/03/2020

Mbrëmjen e djeshme “Provokacija” me Mustafa Nanon, Neritan Ceka ka folur për situatën politike në të cilën është përfshirë vendi. Gjatë bisedës në studio me Nanon, ai theksoi se në Shqipëri pushteti klonohet. Sipas tij në vendet e demokratizuara pushteti mundohet të shtojë masën e atyre që janë në varësi të tij edhe në mënyra indirekte.

Ceka theksoi gjithashtu se ndërkombëtarët mendojnë se shqiptarët janë popull i pagdhënduar, që presin mirë në shtëpi, por se nuk janë gati për demokracinë.

 “Në Shqipëri pushteti klonohet, nuk i bindet rotacionit. Ka ligje një Kushtetutë, por i ofrohet një elektorati që nuk i është mësuar me këtë lloj rotacioni. Impresionohen nga figura karizmatike. Popujt që preferojnë karizmatikun ndaj programatikut, do të vuajnë gjithmonë.”

Ceka u shpreh se në të gjithë masën e popullsinë ka një elitë që kërkon të ketë liri, dhe në Shqipëri kjo masë nuk është e madhe thuajse 10 %.

“Në vendet e demokratizuara pushteti mundohet të shtojë masën e atyrë që janë në varësi të tij edhe në mënyra indirekte”, tha Ceka.

Më tej Ceka tha se kryeministri Edi Rama nuk ka asnjë program, por sipas tij ai fitoi pikërisht kur nuk kishte asnjë program, e ka fituar shumicën me një truk shumë të vogël. “Rotacioni i sforcuar, apo kur ke më shumë zgjedhje është pozitiv, por duhet të kesh popull, duhet elektorat.”

Basha me të gjithë difektet e tij e mendoj shumë më të mirë se Ramën. Këta që vijnë dhe ikin me zhurmë nuk kanë mbaruar asnjë punë. Janë vetëm për batuta. Ndërkohë Basha ka një program më të qartë, u shpreh ai.

“Këtu nuk po del një forcë e re politike, na mungojnë alterntivat. Rikthimi i Metës në politikë do të jetë pozitiv. Meta është politikan pragmatik, por që nuk i bindet shumë rregullave strikte. Sot bën një koalicion me të majtën, nesër mund ta shohim në koalicion me të djathtën. Është kështjella e fundit checks and balances”, u shpreh ai.

Meta në opozitë mund ta forcojë?

“Meta mund ta forcojë, dhe më 2 mars tregoi që opozita është aty”, u shpreh Ceka.

Ndërkohë sa i përket fjalimeve të kryeministrit, Ceka i vlerësoi si shfaqje të dobët.

Partnerët ndërkombëtarë janë me Ramën?

Ceka: Nëse marrim BE nuk kam nje simpati të madhe për Sorecën.

Shqiptarët janë një popull i papërgatitur për demokraci. Të presin mirë në shtëpitë e tyre, por janë të pagdhendur. Ajo që jemi sot është edhe për shkak se kjo teori është mbrojtur. Personalisht nuk ndërroj shqiptarin më të fundit, me ndërkombëtarin më të parë.

Sa i përket reformës në Shqipëri ai tha se një ministër i komunizmit të arrijë vendosë firmën në Reformën në Drejtësi,  nuk ka ndodhur në asnjë vend tjetër.

Akuza e Presidentit sipas tij është një akuzë e mbështetur në fakte. “Tani kë duhet të besojmë ligjet tona apo amerikanët? Arsyeja përse Amerika është vendi më demokratit, është sepse nuk ka Ambasada Amerikane. “E mira do të ishte që ambasadorët të mos përdoren”, u shpreh ai/abcnews.al

Capture-21.jpg
in a18:29 | 03/03/2020

Amfiteatri i  Durrësit i cili pësoi dëmtime nga tërmeti i 26 nëntorit, është prioriteti kryesor i Ministris së Kulturës për këtë vit në fushën e arkeologjisë. Ministria e Kulturës Elva Margariti tha se synimi kryesor është hartimi i një plani menaxhimi edhe për këtë park arkeologjie.

“Projektet  e mëdha të Ministrisë kalojnë nëpër sitet më të prekura, me Durrësin. Kemi filluar punën e hartimit të një projekti shumë më të madh që nuk është vetëm rimëkëmbja e pjesëve të dëmtuara të teatrit.  Do të jetë një punë e cila do të çojë drejt një plani menaxhimi të mirëfilltë. Do të jetë e vetmja formulë që do ta kthente hijeshinë që Durrësi ka pasur”, tha Margariti.

Arkeologu i njohur Neritan Ceka, thotë se Ministria e Kulturës  harton projekte në fshehtësi të plotë  duke  përjashtuar profesionistët e arkeologjisë vendas dhe bashkëpunon me studio të huaja, ashtu siç bëri me Bylis dhe Butrintin dhe së fundmi edhe me Durrësin.

“Nuk thonë asgjë në publik, çdo gjë bëhet sekret. Kjo po ndodh edhe në Durrës. Nuk ka asnjë bashkëpunim. Kemi dy grupe që punojnë në Durrës, një punon në teatër dhe një punon me identifikim e mjeteve që kemi nën tokë. Kemi hartën arkeologjike, është e njëjta qeveri, marrin paratë nga Ministria e Financave dhe njëra i bën publike botimet, tjetra i bën në fshehtësi”, u shpreh Ceka.

Minsitria e  Kulturës sipas Cekës, ka përjashtuar Institutin e Arkeologjisë nga çdo lloj projekti dhe bashkëpunimi. Ndërkohë që ai thotë se Instituti i Monumenteve të Kulturës, ka nivelin më të dobët të arkeologëve përgjatë gjithë historisë së tij.

“Kemi 100 vetë që punojnë në Institut, dhe vijnë njerëz që nuk kanë asnjë lidhje. Janë injorantë të arkeologjisë ata që bëjnë qoftë planet për menaxhimin, qoftë ata që duan të marrin paratë”, tha Ceka.

Në Konferencën Ndërkombëtare të Arkeologjisë  “Iliria” identitete të kryqëzuara u prezantuan edhe objektet e dala nga nëntoka shqiptare si bashkëpunim i specilistëve shqiptarë dhe europian./abcnews.al

neritan-ceka.jpg
Autor E14:48 | 02/03/2020

Në studion e emisionit “Abc e mëngjesit” pak ditë më parë arkeologu Neritan Ceka ngriti shqetësimin se nuk ka tranparencë rreth projektit të BE në Bylis, ku do të investohen rreth 6 milion euro.

Sipas Cekës, përmes po tentohet që këtë projekt ta përfitojë një fondacion në Itali, pjesë e politikës së majtë, të cilët sipas tij, nuk kanë johuritë e duhura në fushën e arkeologjisë. Ceka tha se në korrespodencën që ka patur me ambasadorin e BE në Tiranë, Luixhi Sorekën, është përdorur gjuha e ashpër, pasi kreu i zyrës së Delegacionit Europian në vendin tonë, e ka akuzuar se po politizon çështjen.

Ndërkohë, e kontaktuar nga Abc News, zyra e delegacionit të Bashkimit Europian në Tiranë ka sqaruar këtë çështje si më poshtë:

Përgjigje nga Delegacioni i Bashkimit Evropian në vijim të interesit të televizionit ABC News

  1. Zona arkeologjike e Bylisit është pjesë e projektit të financuar nga BE-ja“Zhvillimi ekonomik vendor i drejtuar nga turizmi me fokus te trashëgimia kulturore” në kuadër të Marrëveshjes së Financimit për Instrumentin e Para-Anëtarësimit të nënshkruar nga Qeveria e Shqipërisë dhe Bashkimi Evropian. Aty deklarohet se ky projekt do të zbatohej nga Banka Evropiane për Rindërtim dhe Zhvillim (BERZH). Nëse negociatat me BERZH-in nuk do të ishin të suksesshme, thuhet në Marrëveshjen e Financimit, BE-ja mund të zgjedhë një partner tjetër zbatues midis organizatave që janë certifikuar në ekuivalencë me rregullat dhe procedurat e BE-së (“pillar-assessed” organisations).
  2. Organizatat e vlerësuara si më sipër janë organizata ndërkombëtare ose të vendeve anëtare të BE-së, rregullat e të cilave në lidhje me procedurat e prokurimit, kontabilitetin, sistemet e kontrollit të brendshëm, auditimin e pavarur, etj., janë vlerësuar nga BE-ja dhe janë certifikuar si ekuivalente me rregullat dhe procedurat e BE-së. BE-ja mund t’u besojë këtyre organizatave zbatimin e projekteve të financuara nga BE-ja, në emër të BE-së.
  3. Në rastin specifik të projektit tëBylisit, pasi negociatat me BERZH-in nuk qenë të suksesshme, BE-ja vendosi të hapë një procedurë konkurrimi për të zgjedhur një partner tjetër zbatues që do të zgjidhej midis organizatave të vlerësuara si më sipër, me të njëjtat kritere të parashikuara në Marrëveshjen e Financimit (ekspertizë teknike, kapacitete logjistike dhe menaxhuese të njësisë, përvojë në sektorët e turizmit dhe zhvillimit vendor në Shqipëri, etj.)
  4. Është e rëndësishme të theksohet se procedurat e BE-së janë krijuar me qëllim që të sigurojnë gjithnjë një konkurrencë të ndershme, transparente, të hapur dhe trajtim të barabartë të konkurrentëve të mundshëm. Në bazë të këtyre parimeve, një individ apo një kompani që ka marrë pjesë në hartimin e kushteve të referencës për një tender, nuk ka të drejtë të bëjë ofertë në tenderin përkatës. BE-ja nuk mund të zgjedhë individë apo kompani bazuar në kontakte personale apo në famëne tyre.
  5. Për më tepër, për të siguruar respektimin e parimeve të BE-së në procesin e tenderimit, kriteret për përzgjedhjen e kompanive, partnerëve zbatues dhe ekspertëve, janë të paracaktuara në rregullat e prokurimit të BE-së dhe duhet të zbatohen në çdo kohë. Në fund, opsioni më i mirë në dispozicion zgjidhet sipas parimit të vlerës më të mirë për paratë.
  6. Kushtet e kontratave ndërmjet BE-së dhe kontraktuesve dhe partnerëve zbatues përfshijnë respektimin e të gjitha ligjeve shqiptare në fuqi nga kontraktori, përfshirë ato që rregullojnë të drejtat e pronësisë intelektuale dhe të drejtat e autorit.
  7. Pas nënshkrimit të një kontrate apo marrëveshje partneriteti, dhe vetëm atëherë, është praktika që të ngrihet një komitet drejtues i projektit, me të gjitha institucionet kryesore kompetente dhe relevante shqiptare si anëtare, në mënyrë që të monitorojë dhe udhëheqë zbatimin e projektit.
  8. Partneriteti dhe përgjegjësia e institucioneve kompetente shqiptare është një nga parimet kryesore që drejton bashkëpunimin teknik dhe financiar të BE-së me Shqipërinë. Projektet hartohen dhe zbatohen në partneritet të plotë me autoritetet shqiptare në çdo kohë. Institucionet kompetente përkatëse shqiptare propozojnë dhe nisin projekte, janë partnere të plota në të gjitha fazat e përgatitjes dhe hartimit të projektit, si dhe miratojnë të gjithë hapat kryesorë, përfshirë rezultatet dhe arritjet përfundimtare të projektit.

Çfarë deklaroi Neritan Ceka: 

 

neritan-ceka-mengjesi-1280x603.jpg
nev ila09:23 | 27/02/2020

Studiuesi Neritan Ceka, ka akuzuar zyrën e ambasadorit shqiptar të BE-së, Luigi Soreca, se po vjedh paratë që investohen, në Bylis.

Ceka tha se edhe fondet e BE dhe ato shqiptare për Apoloninë u keqpërdorën dhe për më tepër muri rrethues u dëmtua.

Po ashtu Prof. Ceka theksoi se edhe tani për projektin e BE në Bylis po mundohen, përmes falsifikimeve të përfitojë një fondacion në Itali pjesë e politikës së majtë të cilët nuk janë me njohuritë e duhura në këtë fushë por me mastera.

Ceka tha se në korrespodencën që ka patur me Sorecën është përdorur gjuha e ashpër pasi ambasadori e ka akuzuar se po politizon çështjen.

Pjesë nga biseda:

Neritan Ceka: Soreca dhe stafi i tij po i bie direkt derës: Shtrembërimi nuk bëhet direkt nga Soreca por nga zyra e tij. Bashkëpunëtorja e tij shqiptare kërcënon përjashtim e dy profesorëve që kanë drejtuar punimet në Bylis. Është akti i dytë i një tragjikomedie që fillon në “Apolloni” 5 vjet më parë.

780 mijë euro nga BE dhe 80 mijë nga qeveria shqiptare 7 vite më parë, të cilat janë shpërdoruar.

Enkel Demi: Ju thoni se me këto fonde është bërë një depo uji, dhe një parkim 1 km larg në murin rrethues të Apolonisë. Ky projekt në “Bylis” po shmangen profesionistët, apo jo?

Neritan Ceka: Ne dimë cili person po përgatitet të marrë projektin, dhe cili krah politik. Kanë dy vite që kanë hapur faqe interneti fallto që e mbushin vetëm për të marrë këtë fond.

Enkel Demi: Ju thoni që është një fondacion në Bolognja pjesë e politikës së majtë ose ish-komunistët e Italisë? Ju thoni që duhet të jetë një profesor shqiptar për këtë?

Neritan Ceka: Po patjetër. Duhet të jenë profesorët e Shqipërisë jo një njeri që nuk ka mbaruar shkollë fare. Këta përpiqen si të kapin fondet europiane. I kërkojmë Sorecës të zbatojë atë që ka thënë Komisioni.

Ne do ta çojmë edhe njëherë çështjen në Komision. Po kërkojmë zbatimin e urdhrit të Komisionit, nuk ndërhyjmë në procedura. Na kanë bërë dëmë ne monumente, është poshtëruese.

Me këtë politikë që ka gati 10 vjet që delegacioni euriopian po punon kanë shkatërruar monumente. Këta duan vetëm të marrin fondet.

Enkel Demi: U vëteë në cilin pozicion jeni raportuar përballë zyrës së BE në Tiranë?

Neritan Ceka: Kjo ka një histori të vogël. Morëm vesh në mënyrë indirekte që kishte filluar puna për këtë projekt. U kërkua nga instituti i monumenteve termat e referencës. Ndërhymë në mënyrë indirekte nëpërmjet ambasadorit Cutillo pranë BE dhe kërkuam që këto terma reference përpara se të coheshin në Bruksel, të vinin në institutin e arkeologjisë që është insitutucioni që është kompetent. Ka qënë një ndërhyrje miqësore për ta futur në rrugë zyrtare. Ku erdhën termat e referencës ishin skandaloze, bërë nga diletantë, për turp. Parashikoni të priteshin ferrat, të priteshin pemët, e të hiqeshin gurët, kaq.

Disa injorante u morën me “Bylis” dhe bëjnë një dokument skandaloz. Ndërhymë bëmë termat e referencës dhe zonja në mënyrën më skandaloze me paturpësinë më të madhe thotë jeni përjashtuar. Meqë ndihmoi instituti, jeni të përjashtuar.

Enkel Demi: Nuk është se akuzoni Sorecën për vjedhje, ju thoni se projekti i BE po shkon drejt korrupsionit?

Neritan Ceka: Po, Soreca nuk ka qenë pjesë, dua që ai të mos bjerë pre e kurthit të kolegëve të tij.

Kemi patur një korrespodencë që ka marrë tone të ashpra, më akuzon se po e politizojë cështjen, që tonet e mia janë të rënda. Unë dua ti them Sorecës se unë nuk kam hyrë në shtëpinë  e tij, institucioni i tij ka hyrë në Bylis, që është shtëpia jonë, dhe mundohet të vjedh.

Ajo që është e parpritur është se kjo zyrë që duhet të përfaqësojë europën, është bërë si kortezhet e anglezëve në indi në shek 19 që kishin marrëdhënie direkte me muharaxhain.

Mënyra brutale, mënyra arrogante që kjo zyrë sillet me profesoratit shqiptar, i krahason me masterat e panjohur të horizonteve financiare, edhe mënyra se si sillen nëpunësit e tij për të përjaashtuar këtë profesotrat, si po shkatërrojnë monumente shqiptare, si po shkatërrojnë karrierën e disa të rinjve, se si po i orientojnë se si të vjedhin të tjerët është makabre.

Këta që hiqen si ekspertë, në krahasim me stafin në Bylis janë rronco-bono. Kjo është e keqja, dhe ambasadorët që vijnë këtu mirë do ishte të kishin kapele tape, dhe të vishnin qillota dhe me cizme sic i shohin në filma që tregojnë shek 19 në indi.

Unë jam gati të përballem me zotin Soreca, por besoj se nuk ka kapacitetin dhe njohuritë e duhura, ai ka bashkëpunëtorë të tij me nivel jashtëzakonisht të ulët.

Ndërkohë, e kontaktuar nga Abc News, zyra e delegacionit të Bashkimit Europian në Tiranë ka sqaruar si më poshtë:

Reagimi i plotë

  1. Zona arkeologjike e Bylisit është pjesë e projektit të financuar nga BE-ja “Zhvillimi ekonomik vendor i drejtuar nga turizmi me fokus te trashëgimia kulturore” në kuadër të Marrëveshjes së Financimit për Instrumentin e Para-Anëtarësimit të nënshkruar nga Qeveria e Shqipërisë dhe Bashkimi Evropian. Aty deklarohet se ky projekt do të zbatohej nga Banka Evropiane për Rindërtim dhe Zhvillim (BERZH). Nëse negociatat me BERZH-in nuk do të ishin të suksesshme, thuhet në Marrëveshjen e Financimit, BE-ja mund të zgjedhë një partner tjetër zbatues midis organizatave që janë certifikuar në ekuivalencë me rregullat dhe procedurat e BE-së (“pillar-assessed” organisations).
  2. Organizatat e vlerësuara si më sipër janë organizata ndërkombëtare ose të vendeve anëtare të BE-së, rregullat e të cilave në lidhje me procedurat e prokurimit, kontabilitetin, sistemet e kontrollit të brendshëm, auditimin e pavarur, etj., janë vlerësuar nga BE-ja dhe janë certifikuar si ekuivalente me rregullat dhe procedurat e BE-së. BE-ja mund t’u besojë këtyre organizatave zbatimin e projekteve të financuara nga BE-ja, në emër të BE-së.
  3. Në rastin specifik të projektit të Bylisit, pasi negociatat me BERZH-in nuk qenë të suksesshme, BE-ja vendosi të hapë një procedurë konkurrimi për të zgjedhur një partner tjetër zbatues që do të zgjidhej midis organizatave të vlerësuara si më sipër, me të njëjtat kritere të parashikuara në Marrëveshjen e Financimit (ekspertizë teknike, kapacitete logjistike dhe menaxhuese të njësisë, përvojë në sektorët e turizmit dhe zhvillimit vendor në Shqipëri, etj.)
  4. Është e rëndësishme të theksohet se procedurat e BE-së janë krijuar me qëllim që të sigurojnë gjithnjë një konkurrencë të ndershme, transparente, të hapur dhe trajtim të barabartë të konkurrentëve të mundshëm. Në bazë të këtyre parimeve, një individ apo një kompani që ka marrë pjesë në hartimin e kushteve të referencës për një tender, nuk ka të drejtë të bëjë ofertë në tenderin përkatës. BE-ja nuk mund të zgjedhë individë apo kompani bazuar në kontakte personale apo në famën e tyre.
  5. Për më tepër, për të siguruar respektimin e parimeve të BE-së në procesin e tenderimit, kriteret për përzgjedhjen e kompanive, partnerëve zbatues dhe ekspertëve, janë të paracaktuara në rregullat e prokurimit të BE-së dhe duhet të zbatohen në çdo kohë. Në fund, opsioni më i mirë në dispozicion zgjidhet sipas parimit të vlerës më të mirë për paratë.
  6. Kushtet e kontratave ndërmjet BE-së dhe kontraktuesve dhe partnerëve zbatues përfshijnë respektimin e të gjitha ligjeve shqiptare në fuqi nga kontraktori, përfshirë ato që rregullojnë të drejtat e pronësisë intelektuale dhe të drejtat e autorit.
  7. Pas nënshkrimit të një kontrate apo marrëveshje partneriteti, dhe vetëm atëherë, është praktika që të ngrihet një komitet drejtues i projektit, me të gjitha institucionet kryesore kompetente dhe relevante shqiptare si anëtare, në mënyrë që të monitorojë dhe udhëheqë zbatimin e projektit.
  8. Partneriteti dhe përgjegjësia e institucioneve kompetente shqiptare është një nga parimet kryesore që drejton bashkëpunimin teknik dhe financiar të BE-së me Shqipërinë. Projektet hartohen dhe zbatohen në partneritet të plotë me autoritetet shqiptare në çdo kohë. Institucionet kompetente përkatëse shqiptare propozojnë dhe nisin projekte, janë partnere të plota në të gjitha fazat e përgatitjes dhe hartimit të projektit, si dhe miratojnë të gjithë hapat kryesorë, përfshirë rezultatet dhe arritjet përfundimtare të projektit.

/abcnews.al

cekaaaa.png
R D23:01 | 12/02/2020

Duke analizuar situatën ku gjendet vendi prej disa muajsh, Neritan Ceka deklaroi në studion e “Byro Politike” se nuk jemi në krizë politike, por në krizë sistemi. Si njohës i mirë i politikës, Ceka u shpreh se sot kemi një është pushtet të ligjshëm, por jo demokratik. “Nuk i kuptoj partnerët ndërkombëtarë që nuk reagojnë”, tha ai.

I pyetur nga gazetarja Juli Xhokaxhi se si mund të zgjidhet kriza ai u shpreh se “jemi asgjëkundi dhe shkojmë drejt asgjëkundit. Sot jemi në krizë sistemi që nuk zgjidhet. Mund të zgjidhet me zgjedhje të parakohshme, por ata që duan të vijnë (PD) nuk janë të përgatitur. S’kanë paraqitur deri më tani një alternativë për të dalë nga kriza e sistemit.

Sot kemi një parlament kushtetues, por që nuk funksionon.  Edhe pushteti lokal është i ligjshëm, pavarësisht se kush janë personat e zgjedhur. Ata firmosin fonde publike, marrin vendime dhe s’kanë për të dalë ndonjëherë në gjyq, edhe sikur Kushtetuesja të thotë se Presidenti kishte të drejtë për dekretin e zgjedhjeve lokale.

Pra kemi pushtet të ligjshëm, por jo demokratik. Këta që quhen partnerë nuk i kuptoj se si nuk reagojnë për këtë pushtet jo demokratik që është instatuar në vend”, u shpreh Neritan Ceka. /abcnews.al

abc-1-1280x655.jpg
in a21:37 | 12/02/2020

E ftuar në “Byro Politike” me Juli Xhokaxhi, ish-deputetja e PS Arta Dade ka folur për politikën shqiptare. Dade u shpreh se demokracia është e barasvlefshme me sundimin e ligjit.

“Nuk flas për programet apo dokumentet themelorë të forcave politike, por theksoj se demokracia është e barasvlefshme me sundimin e ligjit. Politika ka qenë e kujdesshme që me pëgjegjësitë që mori të ishte konform”, tha Dade.

Sa këshillohen politikanët e rinj me ju?

Dade: Kur kemi qenë në qeveri kishim këshilltarë me integritet dhe i mernim në konsiderata atë çfarë na konsideronin. Edhe shumë gjëra ka ndryshuar dhe kjo mund të jetë një regres.

Ndërsa politikani i njohur Neritan Ceka sa i pëket politkës në Shqipëri theksoi se ka dy periudha në zhvillimet politike ajo e idealizmit dhe periudha profesionale ku partitë bëhen institucione. Ndërsa theksoi se të dy fazat kanë qenë të deformuara dhe se ka një rënie të kualitetit.

“Duhet ta pranojmë progresin. Jemi në një tren i cili ecën. Lëvizjet e mëdha, iniciativa private ka luajtur rol të jashtëzakonshëm ku pa të shteti nuk do të bëntë asgjë. Sot e duan më pak pupullin dhe populli i don më pak”, tha Ceka.

Paskal Milo: Funksionimi i brendshëm i partive politike në fillim të viteve ‘90 ka qenë i mirë në krahasim me sot. Një nga asryet kryesore pse kemi rënie të demokracisë së brendshme janë ndryshimet Kushtetuese dhe i Kodit Zgjedhor i cili vuri bazën ligjore të autoritarizmit.

Cilat janë vitet që besoni se Shqipëria filloi të ecte mirë?

Milo: Në vitet ‘92 deri në ’94 ishin vitet ku kishte më shumë pasion, kishte një qasje intelektuale dhe një debat të nivelit politik. Ndërsa ‘97 deri në vitin 2001 janë vite shumë të vështira të politikës shqiptare, kishte një thyerje e cila reflektoi në jetën politike. /abcnews.al

ceka.jpg
nev ila18:04 | 15/11/2019

Specialistët e cilësojnë planin e menaxhimit të Butrintit pa risi të mëdha nga plani i 20 viteve më parë, si dhe të pa zbatueshëm bë  terren. Arkeologu  Neritan  Ceka thotë se ka edhe gabime shkencore, pasi janë përjashtuar të gjithë arkeologët shqiptar.

Seanca e parë e diskutimit me specialistët e planit të menaxhimit të Butrintit u shoqërua me debate të forta. Ajo u zhvillua pa pranin e kamerave.  Arkeologu Neritan Ceka  nënvizon faktin se konceptimi i Butrintit si qytet grek dhe romak është gabim shkencorë i cili ka ardhur për shkak të politikës përjashtuese të specialistëve vendas sipas Cekës.

Ish -drejtori i parkut kombëtar tw Butrintit, Auron Tare i cili është pro planeve menaxhuese, për çdo sit arkeologjik   ky plan, sipas tij nuk përben risi krahasuar me atë të  krijuar prej tij 20 viteve më parë.

Ndërsa Ceka e cilëson të pazbatueshëm.

Menaxhimi i Butrintit nga fondacionet për Auron Taren është mënyra e duhur, por jo i mbikëqyr apo i drejtuar nga Ministria e Kulturës si në këtë rast , gjë që ky koncept  thekson Tare është kundërshtuar edhe nga ICOMOS.

Pas kësaj tryeze pritet që të zhvillohen edhe takime të tjera me grupet e interesit,  më pas plani i menaxhimit  do të kalojë në Kuvend për të marrë ose jo miratimin./abcnews.al

ceka-1280x716.jpg
ad min20:30 | 18/06/2019

Politikani Neritan Ceka i ftuar në “Provokacija” ka komentuar përgjimet e fundit të publikuara nga “Bild” ku në njërin prej tyre del edhe Kryeministri Rama duke folur në telefon me Arben Keshin, teksa e pyet për rezultate zgjedhoret të vitit 2017.

Ceka tha se Rama shkoi në Peshkopi me një bandë për të fituar zgjedhjet. Sipas tij ai nuk kishte pse ta bënte këtë sepse nuk ishte në opozitë. Më tej duke folur për raportet e tij me Kryeministrin, Ceka tregon se si i ka shpëtuar 230 mln lekë, ku sipas tij do ia rrëmbente një ministre, të cilën Rama e ka shkarkuar nga detyra.

“A është e barabartë pas 30 viteve Shqipëria me Evropën? Mund ta themi që është një vend evropian? Po me këtë Shqipëri do ti hapim negociata? Kur ministri i Kryeministrit shkon në Peshkopi një bandë. Mirë po ti je në pushtët, do ta kuptoja po të ishe në opozitë nga e keqja, megjithëse nuk pranohet. E mira është që të mos mbledhin rrugaçë, por ata që janë gati të vdesin për liri, jo për para. Ai shkon me një bandë. Po ky e bëri shtetin? A tha që do të bëjmë shtet? A tha që do vijmë të bëjmë shtet kur erdhi në pushtet? A ja dhënë votat? Unë nuk i kam dhënë votë këtij sepse e njoh se kush është. E kam njohur shumë kohë më parë. Nuk ka rëndësi që t’i bëj biografinë dhe kam disa raporte mirë- keq. E kam ndihmuar para ca kohësh. Kam raporte shkrij-ngrij, e mban mënd atë lojën. Nuk ka qenë gjithmonë ky që është sot, por edhe tani nuk është gjithmonë i njëjti. Unë kam pasur një raport ngrij-shkrij dhe tani jam ngrij sepse kam dalë nga filxhani i nxehtë i Monikës, më ka ngrirë. Por para ca kohë i kam shpëtuar 230 mijë dollarë, 230 mln lekë, që donte t’ia rrëmbente njëra nga ato biondet ministre që ky e hoqi pastaj. Ia shpëtova sepse kishte për t’ia përlarë. Si shpërblim më dërgoi një shishe me verë. Nuk e kam më dhe as shishen nuk e ruajta si kujtim. Por ishte verë e mirë për të thënë të vërtetën në atë kohë ishin në periudhën e “shkrirjes” dhe i kam dhënë edhe disa këshilla. Edhe në këtë rast këshilla ime është që nëse do të bësh shtet dhe ke shansin e fundit që ta ka dhënë Presidenti që ti e konsideron armik dhe në këtë rast është miku jot dhe të thotë ulu dhe bëj projektin e  një shteti të mirëfilltë, ku votat nuk do t’i numërojmë më anëtarët e partive ku duhet t’i numëroj qytetarët. Kjo është një nga arsyet e degjenerim dhe fushatat elektorale nuk do të transmetohen më në televizion, por vetëm debatet si në të gjitha vendet e qytetëruara”./abcnews.al

neritan-ceka.jpg
ad min17:00 | 24/02/2019

Arkeologu i njohur Neritan Ceka shpreh shqetësimin se Shqipëria nuk i jep rëndësinë e duhur arkeologjisë nënujore. Ai thotë se projekti për muzeun arkeologjik nënujor në Porto Palermo është hartuar prej 10 vitesh, por ende nuk ka asnjë përgjigje nga Instituti i Monumenteve të Kulturës.

Arkeologu dhe studiuesi i njohur Neritan Ceka thotë se Shqipëria është një nga vendet e fundit në Mesdhe, që nuk i jep rëndësinë e duhur pasurive të mëdha nënujore që posedon. Prej afro një dekade zhvillohen dy ekspedita nënujore.

“Një që është përnjohëse dhe që zhvillohet në Kepin e Rodonit dhe në liqenin e Ohrit duke identifikuar qendra arkeologjike nënujore dhe relikte, anije të mbytura. Dhe një ekspeditë shumë e njohur që kalon 10-vjeçarin dhe ka filluar identifikimin e relikteve nënujore që nga kufiri me Greqinë dhe ka ardhur deri në ishullin e Sazanit. Janë zbuluar mbi 20 anije antike me pasuri arkeologjike, kryesisht amfora që tregojnë për lëvizjen e transportit, të cilat jemi detyruar t’i lemë nën ujë dhe së dyti mos t’i publikojmë sepse rrezikohen nga banditizmi, nga pirateria, e cila vazhdon dhe ushtrohet”, tha Ceka.

Projekti për muzeun arkeologjik është gati dhe është dorëzuar në Institutin e Monumenteve Kulturore, por prej disa vitesh nuk ka asnjë pëgjigje. Ai fle në sirtaret e këtij institucioni sipas Cekës.

“Ka një indiferencë të plotë të qeverive, qoftë atyre që kanë ikur, qoftë atyre që janë dhe kam frikë dhe atyre që do vijnë. Është bërë një propozim për krijimin e një Muzeu të Arkeologjisë Nënujore në Porto Palermo, një kështjellë, e cila mund të kthehet në një muze që të tërheqë mijëra turistë, por edhe ku mund të instalojmë një laborator për përpunimin e materialit arkeologjik sepse projekti është gati. Është dorëzuar në Institutin e Monumenteve nga arkitektët e rinj të asaj kohe. Shpresoj mos ta kenë zhdukur si projekt në Institutin e Monumenteve. I është paraqitur qeverisë që ishte më përpara. Në parim u miratua. Kryeministri Berisha në atë kohë dha një miratim sepse ishte puna kujt do i jepej kështjella. Të jeni të sigurt se për atë kështjellë ka 200 kërkesa për ta bërë bar, restorant, për ta bërë hotel, por besoj që atë kohë pati një bonsense për ta dhënë për arkeologjinë. Kronologjia e qeverive është shumë më e shkurtër se jeta e njerëzve edhe mbeti në pritje dhe ka vite që ia kam propozuar direkt kryeministrit Rama dhe natyrisht përgjigja nuk ka ardhur”, tha arkeologu.

Shqetësim kryesor mbetet edhe laboratori i specializuar për konservimin e objekteve.

“Kemi një minilaborator të tillë sepse kërkon një përpunim me ujë disa muaj në mënyrë që eleminohet kripa që rrezikon shpërthimin e qeramikës në këtë rast apo për metalet, është në Durrës ku kemi edhe specialistin përkatës. Por një laborator na është propozuar që mund ta vendosim në Porto Palermo tek ato instalimet që janë afër kështjellës dhe nuk ka asnjë përgjigje”, tha ai.

Potenciali arkeologjik i përket periudhës antike dhe mesjetare.

“Kemi një nga potencialet më të rëndësishme të Adriatikut. Nëse duam të bëjmë një Muze të Aerkeologjisë Nënujore nuk është se do kufizohemi vetëm tek amforat dhe materialet antike, por do ta çojmë edhe më përpara për të dhënë një pamje të zhvillimit të lundrimit në brigjet tona në mënyrë retrospektive”, tha Ceka.

Sipas specialistit të arkeologjisë, Shqipëria ka potencialet më të rëndësishme të Adriatikut. Bregu jonë ka qenë bregu i lëvizjeve në kohën antike. Një pjesë e mirë e anijeve kalonin nga Greqia, vinin deri në Otranto edhe pastaj kalonin. Prandaj në këtë internerar kemi një numër pafund anijesh, që vijnë deri në Luftën e Parë Botërore./abcnews.al

NERITAN-CEKA-PJESA-1280x720.jpg
ent ela20:27 | 22/02/2019

“Mallkim dhe iu thaftë dora atij që shet dhe blen votën”. Kështu është shprehur në studion e Provokacijas Neritan Ceka, i cili shton se çdo popull ka qeverinë që meriton.

“Çdo popull ka qeverinë që meriton. Ne kemi qenë bashkë në lëvizjen e dhjetorit ku vumë në rrezik jetën, familjen, karrierën dhe jetuam për një popull që shet votën, por mallkim dhe iu thaftë dora atij që shet dhe blen votën, janë pjesë e një populli që nuk meriton demokraci. O është mallkim nga Zoti o nuk na i ka fajin njeri. Të huajt e shohin këtë si një mëkat gjenetik të shqiptarëve”. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono