Loading ...
Drejtuesi politik i Partisë Demokratike në qarkun e Dibrës, Xhelal Mziu ka shpallur fitoren e demokratëve.
Sipas Mziut ka pasur një tentativë shumë të madhe për të tjetërsuar votën ndaj edhe rezultati sipas tij është shumë i ngushtë me Partinë Socialiste.
“Është një gëzim i jashtëzakonshëm. Arritëm që të marrim një fitore mjaft të mirë dhe të dhimbshme nga përpjekjet kriminale të qeverisë për të tjetërsuar votat. Besoj se kjo fitore i dedikohet atyre që patën pjesë për të votuar numrin 9. Për këtë shpresë kanë qenë më shumë. Që kanë dashur të votojnë por kjo qeveri ka tentuar për të ndryshuar votën dhe ja ka arritur. Për të marrë pse jo 4 mandate por nuk ka instrumente se pati ofensivë për blerje votash. Por nuk ja arritën shpresoj që në këto pak orë për gjithë Shqipërinë të trokas fitorja.” tha Mziu.
Sipas KQZ, në Bashkinë Dibër kryeson Partia Demokratike me 12,960 vota, ose 49.26 % e ndjekur nga Partia Socialiste që numëron 10,629 vota ose 40.40%. E treta radhitet LSI me 2,248 vota ose 8.54 %./abcnews.al/
