Presidenti i Republikës është autoriteti i parë i lartë, që reagon për protestat e studentëve në disa qytete të vendit, kundër tarifave të shkollimit,
Në njoftimin e Presidencës thuhet se kreu i shtetit po ndjek me vëmendje protestat e studentëve të universiteteve në disa qytete, dhe u bën thirrje autoriteteve pergjegjëse të dëshmojnë ndjeshmërinë dhe pergjegjësinë e duhur për të zgjidhur sa më shpejt çështjet që shqetësojnë studentët, sipas ligjit dhe frymës së dialogut.
“Duke vlerësuar situatën e krijuar, Presidenti Meta u bën thirrje autoriteteve dhe institucioneve pergjegjëse të dëshmojnë ndjeshmërinë dhe përgjegjësinë e duhur në adresimin e çështjeve që shqetësojnë studentët, në përputhje me kuadrin ligjor dhe të frymës së dialogut për një zgjidhje sa më të shpejtë dhe të drejtë në interesin më të mirë publik”.
Sipas tij duhen bërë më shumë përpjekje për një arsim dhe edukim sa më cilësor, që garanton shanse të barabarta për të gjithë, pavaresisht mundësive të tyre financiare.
“Rinia është aseti ynë me i çmuar kombëtar, ndaj dhe kujdesi ndaj shqetwsimeve dhe aspiratave të tyre duhet të jetë prioritet i të gjithëve, sidomos i institucioneve”. /abcnews.al
