Mentori, shqiptari që i “hëngri zemrën” çiftit Clinton/ Nga student në sipërmarrës, rrugëtimi në lagjën më të pasur të Amerikës

Mentor Berisha është një shqiptar nga Kosova, i cili zotëron një restorant në Austin të SHBA.

Në emisionin “ABC e Mëngjesit”, Berisha u shpreh se në SHBA shkoi si student dhe se punën në restorant e ka pasion.

Në restorantin e tij, kanë shkuar personalitete dhe VIP-a, mes tyre edhe ish presidenti amerikan, Bill Clinton.

“Suksesi i madh kur kemi hapur restorantin. Atje jetojnë shumica e VIP. Kur e hapëm restorantin, aty afër ishte Bill dhe bashkëshortja e tij. Ka tre vite që frekuentojnë restorantin tonë dhe i jemi falenderues. Është nder të jetë ish presidenti i SHBA. Është një vend i pasur ekonomikisht, kanë ardhur shumë njerëz të jetojnë aty. Njerëzit nuk e dinë, por Bill është vegjetarian, pëlqen ushqimin vegjetarian. Por Hillary jo, ajo e pëlqen mishin. Është njeri, shumë i mirë, i mençur, për shkak se edhe ka qenë president. Puna e restorantit është pasion.”, theksoi ai./abcnews.al