Mbyllja e hapësirës ajrore shkakton anulimin e udhëtimit të kryediplomatit rus

schedule17:20 - 28 Shkurt, 2022

schedule 17:20 - 28 Shkurt, 2022

Misioni diplomatik i Rusisë thotë se një vizitë e planifikuar e Ministrit të Jashtëm Sergej Lavrov në Kombet e Bashkuara në Gjenevë u anulua, pasi vendet e BE-së mbyllën hapësirën e tyre ajrore për fluturimet nga Rusia.

Zoti Lavrov pritej të merrte pjesë në takimet e nivelit të lartë në Këshillin e të Drejtave të Njeriut dhe Konferencën për Çarmatimin.

Misioni diplomatik rus shkruante në Twitter se anulimi i udhëtimit të zotit Lavrov në Zvicër ishte për shkak të një “ndalimi të paprecedentë” nga “një numër vendesh të BE-së që kanë vendosur sanksione anti-ruse.”

Ndërkohë, Rusia të hënën ndaloi linjat ajrore nga 36 vende të përdorin hapësirën ajrore ruse pasi vendet evropiane dhe Kanadaja mbyllën të dielën hapësirën e tyre ajrore për avionët rusë.

Shtetet e Bashkuara po shqyrtojnë një masë të ngjashme, por ende nuk kanë marrë një vendim përfundimtar, sipas zyrtarëve amerikanë./VOA