Loading ...
Pas sulmit të djeshëm të Iranit ndaj Izraelit, me kërkesë të Izraelit është thirrur një seancë e Këshillit të Sigurimit të OKB-së dhe tani është duke u zhvilluar në Nju Jork.
Sekretari i Përgjithshëm i OKB-së Antonio Guterres teksa mori fjalën i pari, u shpreh duke thënë se Lindja e Mesme është “buzë humnerës”.
“Tani është koha për të qetësuar dhe depërshkallëzuar situatën. Është koha për përmbajtje maksimale”, ka bërë thirrje Guterres.
Nga ana e saj SHBA dënon sulmet e Iranit dhe bëjnë thirrje që të mos përshkallëzohen sulmet. Gjithashtu ka theksuar se në vijim SHBA do të marrë të tjera masa dhe se do të vazhdojë të mbështesë Izraelin.
