Mbi 17 600 viktima nga Covid-19, Conte: Po të kthehesha në kohë do merrja të njëjtat vendime

schedule09:55 - 9 Prill, 2020

schedule 09:55 - 9 Prill, 2020

Kryeministri i Italisë Giuseppe Conte është shprehur për BBC se po konsiderojnë që të lehtësojnë masat shtrënguese në vend nga fundi i prillit.

Conte ka deklaruar:

“Nëse shkencëtarët e konfirmonjnë, ne mund të fillojmë të lehtësojmë disa masa nga fundi i këtij muaji.”

Kreu i ekzekutivit në Itali ka mbrojtur mënyrën sesi qevria e drejtuar nga ai e ka menaxhuar deri më tani krizën. Ai është shprehur se nëse do të kthehej sërish në kohë do të kishte bërë të njejtën gjë, shkruan abcnews.al

Giuseppe Conte shtoi:

“Kufizimi i rëndë i lirive kushtetuese për ne ishte një vendim kritik që na u desh ta shqyrtonim me shumë kujdes. Nëse do të kisha sugjeruar shtetrrethim ose kufizime të të drejtave kushtetuese që në fillim, kur filluan të shfaqeshin rastet e para, njerëzit do të më kishin marrë për të çmendur.”

Në lidhje me debatin midis vendeve të BE-së mbi reagimin ekonomik ndaj shpërthimit, Conte tha: “Nëse nuk shfrytëzojmë mundësinë për të futur jetë të re në projektin Evropian, rreziku i dështimit është i real.”

Duke folur për shifrat tragjike në Itali, kreu i qeverisë italiane shtoi:

“Pas shifrave qëndrojnë emra dhe mbiemra, histori jete dhe familje të ndara. Kombi italian po vuan.” /abcnews.al/