giuseppe conte
in a08:16 | 22/03/2020
Kryeministri i Italisë, Giuseppe Conte ka lajmëruar ndalimin e aktiviteteve prodhuese të cilat nuk janë jetike, në të gjithë Italinë.
Dje u shënua dhe pika maksimale e të vdekurve nga fillimi i emergjencës koronavirus, 793 në një ditë të vetme.
“Është kriza më e vështirë që vendi po jeton që nga Lufta e Dytë Botërore”, ka deklaruar Conte.
Italia tashmë është vendi me numrin të lartë të vdekjeve nga koronavirusi.
Conte theksoi se supermarketet, farmacitë, bankat, shërbimet postare të mbeten të hapura, ndërsa theksoi se transporti është i garantuar.
Ai i bëri thirrje qytetarëve të mos krijojnë panik duke nxituar për të bërë blerje. Ai njoftoi se masat e reja do të fillojnë të hënën në 23 Mars.
“Është një vendim shumë i vështirë, por i domosdoshëm. Të dhënat e fundit flasin për një emergjencë që nuk priten të ngadalsohen”, tha Conte./abcnews.al
Igli Nikolli09:33 | 24/02/2020
Koronavirusi ka zbarkuar në Itali dhe vendi fqinj po merr masa të forta për ta luftuar. Shkollat dhe shumë biznese janë mbyllur dhe situata në veriun e vendit është kritike. Katër ndeshje të Serie A u anuluan ditën e djeshme dhe nuk ka ende një datë se kur do të luhen. Në dyshim është edhe java e ardhshme, teksa nuk dihet me saktësi se kur do të rikthehet futbolli.
Kryeministri i Italisë, Giuseppe Conte e pranon në një deklaratë për Non e L’Arena se qeveria po mendon mundësinë e një tjetër ndalesë të ndeshjeve në Serie A. Diçka e tillë rrezikon sfidën Juventus-Inter që ishte programuar me datë 1 mars.
“Do të vuajmë pak, por në këtë moment nuk di të them nëse do të vazhdojmë me të njëjtat masa edhe javën e ardhshme. Vendimet tona i bazojmë në vlerësimin e teknikëve dhe ekspertëve. Do të monitorojmë evolucionin e infeksionit të virusit dhe do të bëjmë vlerësimet tona“, deklaron kreu i qeverisë italiane. /abcnews.al
ger ta08:14 | 31/01/2020
Italia ka konfirmuar dy raste me koronavirus, ndërsa kryeministri italian Giuseppe Conte ka deklaruar se edhe pse nuk ka vend për alarm, do të mbyllet trafiku ajror me Kinën.
“Ne nuk e gjetëm veten të papërgatitur, Ministri Speranza sapo ka miratuar një urdhër që mbyll trafikun ajror me Kinën. Ne jemi vendi i parë i BE që miraton një masë të tillë paraprake,” tha Conte, në një deklaratë për shtyp.
Virusi vdekjeprurës u ka marrë jetën 213 personave në Kinë. Ndërkohë virusi është përhaur edhe në vende të tjera të botës. OBSH shpalli dje emergjencën globale./abcnews.al
ger ta23:47 | 11/11/2019
Merkel-Conte pro negociatave me Shqipërinë e Maqedoninë e Veriut, kancelarja: Nese hapim një boshllëk mund të mbushet nga të tjerë
Lënia pas derës së BE e Shqipërisë e Maqedonisë së Veriut ishte shqetësimi që ndanë në Romë kryeministri italian Giuseppe Conte dhe Kancelarja gjermane Angela Merkel. Mes sfidave të përbashkëta, çështja e zgjerimit. Kancelarja Merkel ishte më e drejtpërdrejtë në rrezikun strategjik në Ballkan nga boshllëku që mund të krijojë BE me vonesën e zgjerimit
“Më vjen mirë që ndajmë të njëjtën strategji sa i takon vendeve të Ballkanit Perëndimor. Edhe këtu duhet të punojmë për të çuar përpara e sidomos për të hapur negociatat me Maqedoninë e Veriut dhe Shqipërinë sepse nëse aty hapet një boshllëk, atëherë ai boshllëk do mbushet nga të tjerë dhe kjo nuk është në interesin tonë strategjik europian për më tepër që këto vende të Ballkanit Perëndimor janë edhe anëtarë të NATO-s, pra edhe këtu ne ndajmë të njëjtën strategji atlantike në favor të NATO-s”, tha kancelarja.
Edhe për kryeministrin italian mungesa e një zgjidhjeje për zgjerimin është një sfidë e afërt
“Sfidë edhe tema, shumë e rëndësishme për ne e me të cilën jemi përballur së fundmi, ende pa zgjidhjen e duhur ajo e zgjerimit të BE me të gjitha vendet e Ballkanit Perëndimor. Ne duhet të vazhdojmë të punojmë në këtë drejtim sepse qytetarët europianë nuk duhet të jetojnë me zhgënjimin e nuk duhet të ushqejmë mungesën e tolerancës, përkundër forcave përcarëse të shtëpisë së përbashkët europiane. 30 vjetori i rënis së murit të berlinit që u përkujtua të shtunën e kaluar duhet të na kujtojë se si vlerat e europës duhet të gjejnë tek institucionet një rojtar e udhëheqës efikas. Edhe këtu Italia e Gjermania janë të bashkuara për eficencën e shtëpisë së përbashkët europiane”, tha Conte.
Që pas vetos franceze për hapjen e negociatave për Shqipërinë e Maqedoninë e Veriut në Samitin e Këshillit Europian të 17 Tetorit në Bruksel, ka një ndërgjegjësim në rritje brenda BE për të korrigjuar atë vendim. Samiti i ardhshëm i Majit 2020 në Kroaci mes BE e Ballkanit Perëndimor do jetë mundësia e re që liderët europianë t’i rikthehen asaj vendimmarrjeje.
“Sfidë edhe tema, shumë e rëndësishme për ne e me të cilën jemi përballur së fundmi, ende pa zgjidhjen e duhur ajo e zgjerimit të BE me të gjitha vendet e Ballkanin Perëndimor”, ka thënë Conte.
Edhe për këtë objektiv Italia e Gjermania duhet të vazhdojnë punën së bashku, prandaj janë të nevojshme takimet e vazhdueshme në mënyrë që të përballemi me këtë përgjegjësi të përbashkët europiane për t’u dhënë përgjigjet e duhura qytetarëve të kontinentit tonë. Me Gjermaninë nuk kemi të përbashkët vetëm objektivat por edhe modalitetet për t’i përmbushur. Nganjëherë nuk jemi të bindur njëlloj për gjetjen e zgjidhjeve, por jemi të hapur për të biseduar e kemi një nivel të shlkëlqyer bashkëpunimi. Ne duhet ët vazhdojmë të punojmë në këtë drejtim sepse qytetarët europianë nuk duhet të jetojnë me zhgënjimin e nuk duhet të ushqejmë mungesën e tolerancës, prandaj forcat përcarëse të shtëpisë së përbashkët europiane. 30 vjetori I rënis së murit të berlinit që u përkujtua të shtunën e kaluar duhet të na kujtojë se si vlerat e europës duhet të gjejnë tek institucionet një rojtar e udhëheqës efikas.Edhe këtu Italia e Gjermania janë të bashkuara për eficencën e shtëpisë së përbashkët europiane”
“Vizita ime e parë në Romë, kemi një marrëdhënie të ngushtë edhe në nivel botëror, kemi detyrën për të çuar para europën, të bashkëpunojnë ngushtë. Kemi një detyrë të madhe për të çuar para Europën”, tha Merkel./abcnews.al.
nev ila19:05 | 31/10/2019
Të burgosurit shqiptarë që vuajnë dënimin në Itali do të transferohen në Shqipëri.
Kjo është marrëveshja e arritur sot mes kryeministrit Edi Rama dhe homologut italian Giuseppe Conte.
Vendimi është bërë i ditur nga Conte gjatë konferencës së përbashkët për media me kryeministrin Rama.
“Kemi kryer një studim për bashkëpunimin tashmë intensiv në gjyqësor dhe polici. Unë përsëris angazhimin e Italisë për forcimin e këtij bashkëpunimi, me vëmendje të veçantë në luftën kundër krimit të organizuar dhe jam i kënaqur që mund të njoftoj se është arritur një marrëveshje edhe në sektorin e rëndësishëm të transferimit të të burgosurve shqiptarë, tashmë një transferim i parë do të realizohet së shpejti,” deklaroi Giuseppe Conte./abcnews.al
ad min16:24 | 29/10/2019
Kryeministri Italian Xhuzepe Konte është takuar në romë me homologun e tij nga Maqedonia e Veriut Zoran Zaev. Konte u shpreh në fund të takimit se e kishte shumë të vështirë të kuptonte arsyet konkrete për moshapjen e negociatave për anëtarësimin e Shkupit në Bashkimin Europian.
“Maqedonia e Veriut është anëtari i 31 i NATO. Shkupi meriton të anëtarësohet në Bashkimin Europian, negociatat nisën që në vitin 2005. Nuk i kuptojmë arsyet konkrete për mos hapjen e negociatave. Dhe kjo vlen dhe për Shqipërinë.”
Është kjo deklarata e kryeministrit Italian Xhuzepe Konte në përfundim të takimit në Romë me kryeministrin e Maqedonisë së Veriut Zoran Zaev. Konte më tej shtoi se mos hapja e negociatave për të dyja vendet ishte një gabim i rëndë historik i cili duhet rregulluar shumë shpejt. Shkupi ka firmosur traktate me Greqinë dhe Bullgarinë, theksoi Konte.
Kreu i ekzekutivit Italian premtoi se Italia do të vazhdojë betejën në selinë europiane për hapjen e negociatave me Shqipërinë dhe Bashkimin Europian. Sipas tij integrimi europian është rruga e vetme. Për sa i përket marrëdhënieve dy palëshe mes Italisë dhe Maqedonisë së Veriut, Konte u shpreh se Italia është partneri i pestë tregtar i Maqedonisë së Veriut, me një ndër shkëmbim prej 614 milionë eurosh në vit. Ai i tha Zaev se Italia dhe italianët do e mbështesin gjithnjë Maqedoninë e Veriut.
Nga ana e tij kryeministri i Maqedonisë së Veriut Zaev falenderoi Italinë për mbështetjen për sa i përket hapjes së negociatave për anëtarësimin në Bashkimin Europian. Ai tha se i gjithë Bashkimi Europian ishte keqardhur për mos hapjen e negociatave dhe njëzëri e cilësuan si një gabim historik. Por Zaev shtoi se ky gabim mund të korrigjohet dhe se Shkupi është gati për bashkëpunim.
“Dëshirojmë të përmirësojmë marrëdhëniet me vendet fqinjë dhe ta bëjmë vendin tonë modern. Dëshirojmë të krijojmë të gjitha kushtet për të qenë anëtar të Bashkimit europian ashtu si na kërkojnë 85 për qind e qytetarëve tanë,” përfundoi Zaev./ABC News Albania
ad min22:36 | 15/10/2019
Kryeministri Italian, Xhuzepe Konte u angazhua në Tiranë se do të bëjë gjithçka që në fund të kësaj jave BE të hapë negociatat për Shqipërinë, por i kërkoi Edi Ramës që të zgjidhë krizën politike, duke i ofruar opozitës një paketë kompromisi.
Pas takimit dy palësh, në Konferencën e shtypit, të dy kryeministrat ishin në një linjë për negociatat.
“Italia e mbështet integrimin evropian të Shqipërisë, dhe ditën e enjte dhe të premte do ta mbështes në mbledhje këtë pozicion me shumë bindje dhe forcë. Populli është shprehur pro anëtarësimit, dhe insstitucionet duhet të ecin më tej që të mos i zhgënjejnë ata. Nëse shtyhet, do të kemi një zbehje të kësaj dëshire”, tha Conte.
Por, ndryshe nga kryeministri shqiptar që u përqendrua tek Ekonomia, kryeministri italian i la një detyrë konkrete Edi Ramës.
“Vëmendja jonë është e fokusuar edhe tek aftësia e Shqipërisë për të zgjidhur krizën e saj politike. Mazhoranca dhe opozita kanë të dyja interes ta zgjidhin këtë krizë në bazë të burimeve të tyre, pra, ta zgjidhin vetë. Është e rëndësishme që mazhoranca ti propozojë opozitës një platformë për të zgjidhur krizën përmes një dialogu konstruktiv, pa parakushte”.
Xhuzepe Konte i kërkoi kryeministrit Rama edhe më shumë bashkëpunim për të luftuar krimin e organizuar dhe trafiqet. Kryeministri Italian, gjatë vizitës disa orëshe në Tiranë, u takua me kryeopozitarin Lulzim Basha dhe me Presidentin Ilir Meta./ABC News Albania
ad min17:23 | 15/10/2019
Gjatë konferencës së përbahskët për shtyp mes kryeministrit shqiptar Edi Rama dhe atij italian, Giuseppe Conte, ky i fundit ka prekur edhe krizën politike në vend. Ai theksoi se Italia e ka në vëmendje se si Shqipëria do të zgjidhë krizën politike pasi kjo do të tregojë edhe sinjalin e pjekurisë politike dhe institucionale në vend.
Sipas Conte-s mazhoranca duhet t’i propozojë pozitës një platformë për qasjen e krizës. Ndërkohë në takimin që kryeministri italian do të zhvillojë me kreun e selisë blu, Lulzim Basha, tha se do t’i bëjë të ditur që dialogu mazhorancë-opozitë duhet të zhvillohet pa kushte.
“Një pjesë e diskutimit tonë u ndal edhe përsa i përket edhe në një bashkëpunim më të fortë ndaj luftës ndaj kriminalitetit. Vëmendja jonë është përqendruar edhe në aftësinë e Shqipërisë për të zgjidhur krizën e saj politike, dhe kjo do bëjë dhe një sinjal të pjekurisë politike dhe institucionale. Duke përfshirë këtu edhe atë përgjegjësi që qeveria dhe kryeministri Rama po e tregon dhe do vijojë ta tregojë. Mazhoranca dhe opozita kanë të dyja interes që ta zgjidhin këtë krizë në bazë të burimeve të tyre. Është e rëndësishme që mazhoranca t’i propozojë opozitës një platformë për të zgjidhur krizën dhe për të qasur një dialog më konstruktiv dhe unë do ta theksoj këtë dhe në takimet e tjera që ky dialog të zhvillohet më tej pa parakushte”, deklaroi kryeministri Conte.
Ndëtrkohë, kryeministri Conte theksoi se vendi i tij mbështet çeljen e negociatave për anëtarësim të Shqipërisë me BE-në./abcnews.al
ad min17:08 | 15/10/2019
Italia mbështet çeljen e negociatave për anëtarësim të Shqipërisë me BE-në. Në vizitën e tij të parë në vendin tonë, kryeministri italian, Giuseppe Conte, tha se në mbledhjen që do të zhvillojë Këshilli i Europës, do të kërkojë çeljen e negociatave me Shqipërinë, pasi kjo është në interes të të gjithë Europës.
“Me rastin e vizitës sime të parë në Shqipëri, i konfirmova zotit Edi Rama se Italia mbështet çeljen e negociatave për anëtarësim me BE dhe personalisht ditën e enjte dhe të premte do ta mbështes këtë pozicion. Çelja e negociatave janë instrumentet më të mira për të garantuar zhvillimin e Shqipërisë në interes të të gjithë Europës. Hyrja e Ballkanit Perëndimor në BE është një objektiv thelbësor për sa i përket integrimit të këtij rajoni.
Populli është shprehur pro anëtarësimit ndaj BE dhe kjo shërben si një shtysë që institucionet të ecin para që mos ta zhgënjejmë këtë aspiratë. Kemi një perspektivë që nga viti në vit nëse shtyhet do kemi edhe një zbehje të kësaj dëshire. Këtu kemi angazhimin italian dhe kjo përbën një angazhim të madh për lidershipin, qeverinë italiane, sikurse Edi Rama më konfirmoi vijimin e qeverisë së tij në këtë rrugëtim”, tha Conte.
Kryeministri shqiptar, Edi Rama, falenderoi homologun italian për qëndrimin e palëkundur që ka pasur gjatë gjithë kohës.
“Padiskutim që vizita e kryeministrit Conte sot është edhe në kuadrin e një jave shumë të rëndësishme shumë të rëndësishme për BE dhe për Shqipërinë në vigjilje të një takimi të KiE ku do të diskutohet dhe vendimi për çeljen e negociatave për anëtarësim për Shqipërinë dhe RMV. Dua ta falënderoj Italinë dhe qeverinë që në koherencë të plotë me vijën e politikës së jashtme italiane, për asnjë moment nuk është lëkundur për mbështetjen e Shqipërisë, RMV dhe gjithë këtij rajoni në perspektivën e integrimit evropian”, tha Rama./abcnews.al
nev ila16:22 | 15/10/2019
Kryeministri i Italisë, Giuseppe Conte po zhvillon një vizitë zyrtare në Tiranë. Ai u prit nga kryeministri Edi Rama në orën 15.30 në Pallatin e Brigadave, ku tani po zhvillohen takimi dypalesh dhe me pas ai mes dy delegacioneve.
Ne oren 16.30 te dy kryeministrat do të kenë një konferencë të përbashkët për shtyp. Kryeministri Italian do të takojë edhe kryetarin e Partisë Demokratike Lulzim Basha, në orën 17:00.
Në orën 17.30 ai do të zhvillojë një takim në Presidencë me kryetarin e shtetit Ilir Meta.
Kjo është vizita e parë e kryeministrit Xhuzepe Konte në vendin tonë./abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
