“Ylli” francez, Kylian Mbappe dhe “Galaktikët” e Real Madrid janë të destinuar që të bashkohen sezonin e ardhshëm, me “fantazistin” e sulmit, që vetëm para pak kohësh deklaroi se ky aktuali është sezoni i fundit në radhët e “gjigantëve” të Paris Saint-Germain teksa pritet të largohet si lojtar i lirë, nga “Kuqeblutë”, sapo të hapet në mënyrë zyrtare, merkato e verës.
Destinacioni më i mundshëm është Madridi dhe palët prej kohësh kanë nisur negociatat, të cilat deri më tanipo shkojnë në rrugë të mbarë dhe mediat zbulojnë se ka mbetur ende vetëm një detaj për t’u zgjidhur. Fjala është për të drejtat e imazhit të Mbappe, me lojtarin që pretendon t’i marrë për vete të gjitha të ardhurat si një shpagim për faktin se te “Los Blancos” do të përfitojë një rrogë më të ulët se sa në Paris.
Nga ana tjetër, drejtuesit e Real Madrid po studiojnë opsionet për të kuptuar se si do ta zgjidhë këtë situatë, që gjithsesi duket se nuk do të sjellë një ngërç aq sa për të vendosur në diskutim transferimin e 25-vjeçarit në Spanjë, megjithatë kur vjen puna te fitimet nga të drejtat e imazhit, sidomos për një lojtar, si Mbappe, bëhet fjalë gjithmonë, për shifra stratosferike. /i.m /abcnews.al
