Ka vetëm një mënyrë që Mbappe të kthehet në një ndër lojtarët më të mirë në botë dhe kjo është transferimi në Spanjë ose Angli. Sulmuesi francez është i tillë edhe tani, por mosha e re e lejon të përmirësohet shumë në vazhdim dhe të rrisë nivelin e tij.
Rivaldo, ish-lojtari i Barcelonës dhe Milanit, ka një këshillë për 20-vjeçarin e talentuar. Fituesi i kupës së botës me Brazilin dhe fituesi i “Topit të Artë” në vitin 1999, ka sqaruar për Betfair se Mbappe duhet të ndërrojë ekip. Një vendim i tillë do të jetë në të mirë të karrierës së kampionit të botës dhe dy janë alternativat për të ardhmen.
“Me gjithë respektin për PSG-në, mendoj se e ardhmja e Mbappe duhet të jetë në Spanjë ose Angli. Kylian duhet të transferohet në një ekip të madh në La Liga ose Premier League. Vetëm kështu mund të konfirmojë veten dhe të jetë pasardhësi i Messit dhe Ronaldos. Lojtarët më të mirë duhet të luajnë në kampionatet më të forta“, përfundon Rivaldo. /abcnews.al
