Kylian Mbappe realizoi një gol fantastik në fitoren 0-2 të mbrëmjes së kaluar ndaj Marseille. Sulmuesi zhbllokoi klasiken e Francës, teksa Mauro Icardi e vulosi atë me golin e tij.
Kampionët në fuqi ndodhen në vend të tretë. Lille dhe Lyon po zhvillojnë një kampionat super, por PSG është gati t’i parakalojë dhe të ngjitet në krye të Ligue 1.
22-vjeçari është ndalur te sezoni i ri ekipit. Barcelona është rivali për një biletë në çerekfinalet e Champions (16 shkurt sfida e parë në “Camp Nou”), por Mbappe është i fokusuar totalisht te kampionati.
“Nuk e kemi mendjen te Champions League dhe dueli me Barcelonën. Nuk është momenti për të menduar për katalanasit, jemi të përqendruar te ndeshja e radhës në kampionat (ndaj Caen).
Duhet të rikuperojmë terren, pasi kemi mbetur disi mbrapa. Në një farë mënyre mund të na ndihmojë kjo situatë, pasi do të kemi intensitet dhe përqendrim më të madh për Barcelonën.
Neymar pranë rinovimit me PSG? Lajm i shkëlqyer, të gjithë e njohin rëndësinë e madhe të këtij lojtari. Shpresoj që të shkruajë historinë e këtij klubi edhe për shumë vite“, theksoi ylli francez. /abcnews.al
