Dy aksidente janë regjistruar orëve të fundit në qytetin e Korçës.
Abcnews.al mëson se një makinë është përplasur me një trajler me targa rumune. Dyshohet se shkak për aksidentin është bërë parakalimi i gabuar i njërit prej mjeteve. Si pasojë e përplasjes, kanë mbetur të lënduar dy persona të cilët janë dërguar me urgjencë në spital.
Ndërkohë, në pamjet e siguruara nga ABC News duket dëmi i madh që i është bërë automjetit që u përplas me trajlerin.
Lexo edhe: Seri aksidentesh në Korçë: Një shofer del nga rruga, dy të tjerë përplasen me njëri-tjetrin
Kujtojmë këtu se në qytetin juglindor është regjistruar edhe një aksident tjetër, pasi një automjet ka dalë nga rruga, është përplasur me një pemë dhe më pas ka përfunduar në një ndërtesë.
Si pasojë e përplasjes një person ka mbetur i lënduar dhe është dërguar me urgjencë në spital. /abcnews.al/
