Një aksident i rëndë ka ndodhur mëngjesin e kësaj të marte në aksin rrugor “Korçë-Devoll”, ku një automjet ka dalë nga rruga dhe si pasojë është lënduar drejtuesi i saj.
Sipas informacioneve mësohet se ngjarja ka ndodhur në afërsi të fshatit Çiflig, Korçë, ku mjeti tip “Ford”, ka dalë nga rruga dhe është përplasur me mbrojtëset e rrugës.
Nga pamjet e siguruara nga ABC News shihet se nga përplasja është shkatërruar “Ford”-I, ndërsa drejtuesi i automjetit, u transportua për mjekim në spitalin e Korçës.
Grupi hetimor po punon për përcaktimin e shkakut të aksidentit./abcnews.al
