Barcelona kishte një mbrëmje magjike atë të djeshmen, pasi mposhti 4-0 Real Madridin në “Santiago Bernabeu”. Një fitore që u arrit me një paraqitje fantastike nga lojtarët në fushën e lojës, teksa detyruan që madrilenët të dukeshin inekzistent gjatë gjithë takimit.
E ndërsa vazhdojnë vlerësimet për katalanasit pas kësaj fitoreje të madhe, një tjetër befasi vjen nga sulmuesi i Bayern Munich, i cili shpesh herë është cilësuar si “macja e zezë” e blaugranave në përballjet e Champions League, pasi u ka shënuar katalanasve tetë gola në shtatë ndeshje që është përballur me ta.
Thomas Muller ka reaguar në rrjetet sociale dhe ka përgëzuar Barçën për lojën e bërë në “Santiago Bernabeu” dhe fitoren e arritur në “El Clasico”.
“Urime për Barcelonën! Ishte kënaqësi të shikoja këtë shfaqje të çmendur sonte.“– shkroi gjermani në llogarinë e tij në Twitter, duke shoqëruar këtë postim me dy ikona, njëra me një fytyrë që shkel syrin dhe tjetra me duartrokitje.
Congrats @FCBarcelona ??
It was a pleasure to watch this amazing performance tonight. Chapeau ??? https://t.co/zTJT1EmDp1
— Thomas Müller (@esmuellert_) March 20, 2022
/f.a/abcnews.al
