Loading ...
TIRANË- Kryeministri i vendit Edi Rama ka reaguar sërish mbi protestën, por dhe për një prej protagonistëve të saj, si Dritan Goxhaj, i cili lexoi dje një deklaratë prej pesë pikash në bulevardin para kryeministrisë.
Përmes një postimi në rrjetet sociale, Rama publikoi një mesazh që, sipas tij, ia kishte dërguar një qytetar me familjarë të vrarë gjatë luftës në Kosovë, i cili pretendon se Goxhaj nuk ka pranuar të luftojë për UÇK-në.
Sipas Ramës, Goxhaj është një gjysmë taleban e gjysmë mitoman. Kryeministri vijon të mbrojë tezën e tij, ku pretendon se pas protestave qëndrojnë “hijet” e Iranit.
“Po mos bre mos ja kajni nanën krejt, çfarë komandant i leshit more”… Këto ishin fjalët e një burri me disa të vrarë në familje, që i revoltuar me hosanatë e mbrojtësve të këtij tipit, më çoi dokumentin bashkëngjitur sot në sabah☹️ Ndërsa këto janë fjalët e mia: Ej, trima, jo për një manipulator gjysëm taleban e gjysëm mitoman, po për krejt botën sikur të ma falin, nuk e hedh një pikë balte unë mbi flamurin e UÇK-së🇦🇱🦅🇽🇰
Dhe kush bën shaka me ndërhyrjen agresive të Iranit në këtë protestë, do ndihet shumë i turpëruar kur e vërteta të dalë në shesh, pasi e tërë kjo mjegull histerie digjitale të shpërndahet”, shkruan Rama.
