Ministri i Jashtëm rus Sergei Lavrov i kërkoi sot OKB-së të mbajë një konferencë ndërkombëtare për zgjidhjen e konfliktit izraelito- palestinez, duke besuar se kjo është mënyra e vetme.
“E vetmja mënyrë për të zgjidhur këtë problem në mënyrë të drejtë është organizimi i një konference ndërkombëtare me pjesëmarrjen e detyrueshme të pesë anëtarëve të përhershëm të Këshillit të Sigurimit të OKB-së”, tha Lavrov.
Sipas tij, OKB-ja duhet të luajë një “rol kyç” në këtë konferencë.
“Unë mendoj se Sekretari i Përgjithshëm i OKB-së Antonio Guterres është i aftë ta marrë këtë iniciativë,” vuri në dukje Lavrov.
Ministri rus përsëriti qëndrimin e Moskës, përkatësisht mbështetjen për krijimin e një shteti palestinez.
Që nga fillimi i luftës mes Hamasit dhe Izraelit më 7 tetor, Rusia ka qenë kritike ndaj shtetit hebre, me presidentin rus Vladimir Putin që denoncoi “katastrofën” humanitare.
/abcnews.al
