konference

Partey.png
Veronik Istrefaj20:30 | 10/03/2020

Mesfushori i Atletico Madrid, Thomas Partey, ka folur në konferencë për shtyp para sfidës së kthimit kundër Liverpool. Atletico fitoi 1-0 ndeshjen e parë, por sfida në Anfield, parashikohet totalisht ndryshe. Këtë gjë e ka pranuar dhe mesfushori Partey, i cili tha: “Është një ëndërr për mua të luaj kundër Liverpoolit në këtë stadium mitik.

Shpresoj që të jetë një ndeshje e paharrueshme për mua dhe një që tifozët e Liverpoolit ta harrojnë sa më shpejt. Joao Felix? Jemi të gjithë bashkë, të gjithë e shtyjmë njëri-tjetrin të përmirësohemi sa më shumë. Ai është një talent i madh dhe që do të na ndihmojë të dalim para.

Koronavirusi? Nëse për sigurinë e ne futbollistëve, vendoset të luhet pa tifozë, atëherë ashtu qoftë. Siguria është numri një. Në këto kohë të vështira, duhet të jemi të gjithë bashkë. Klopp tha që kemi luajtur pisët? Jemi këtu për të bërë punën tonë, kaq”, përfundoi ganez./abcnews.al

ilir-meta-1.jpg
nev ila17:22 | 20/02/2020

Të gjithë të kuptojnë super perlën e rilindjes. Se si një organizatë që ka shembur çdo ndarje pushtetesh rrëmben në mënyrë antikushtetuese dhe mafioze, përmes falsifikime dhe manipulimeve anëtarë të Gjykatës Kushtetuese, për të mos pasur më Gjykatë Kushtetuese, por policinë antikushtetuese të regjimit të Lleshit”, e nisi Konferencën për shtyp presidenti Meta.

“Do të ftoj këshilltarin Bledar Dervishaj, për t’ju shpjeguar të gjithë juve, si u bë puçi ligjor vetëm pasi ne e denocnuam publikisht se Presidenti i Republikës  nuk ishte i informuar dhe për të cilën iu fsheh edhe delegacionit të Komisionit të Venecias”, vazhdoi më tej ai.

Ndërkohë Këshilltari ligjor i Presidentit të Republikës, Bledar Dervishaj, ka shpjeguar 3 prova dhe fakte të reja, ku sipas tij tregojnë se si KED dhe Kuvendi kanë tejkaluar ligjin, duke vendosur vetë, dhe jo siç dikton ligji dhe Kushtetuta.

/abcnews.al

meta1.jpg
R D15:50 | 20/02/2020

Presidenti Ilir Meta pritet të dalë sërish para mediave, një ditë pasi paralajmëroi protesten e 2 Marsit, ditën e Besëlidhjes së Lezhës, siç tha ai në një “besëlidhje të re” kundër grushtit të shtetit.

Zëdhënësi i Metës, në një postim në facebook shkruan: “Ftoj të gjithë gazetarët, sot në ora 17:00, në konferencën e radhës për shtyp të Presidentit të Republikës Sh.T.Z Ilir Meta! Fakte të reja tronditëse që dëshmojnë se si po realizohet grushti i shtetit!” Ai e shoqëron njoftimin me sloganin me “Me qetësi dhe drejtësi” dhe sjell në vemendje shprehen e Ramës “nuk keni parë gjë akoma”.

STATUSI I PLOTE I TEDI BLUSHIT NE FACEBOOK

Së pari më lejoni të shpreh një falenderim të veçantë për të gjitha portalet e Rilindjes, për imagjinatën dhe akuzat e shfrenuara, teoritë konspirative, shkrimet e porositura, dhe memet e jashtëzakonshme, që gjithmonë do gëzojnë simpatinë tonë për dozat e forta të humorit e haresë që shkaktojnë.
Këto ditët e fundit keni qënë të paparë dhe faleminderit se na keni zgjatur jetën!
Ta shtoni edhe më shumë dozën, por pa e kaluar në overdozë Bablokun tuaj që edhe gënjeshtrat që vetë ja u porosit, kur i lexon nga dora juaj i beson si të vërteta!
Së dyti, i ftoj të gjithë gazetarët, sot në ora 17:00, në konferencën e radhës për shtyp të Presidentit të Republikës Sh.T.Z Ilir Meta!
Fakte të reja tronditëse që dëshmojnë se si po realizohet grushti i shtetit!
NUK KENI PARË GJË AKOMA!
ME QETËSI DHE DREJTËSI!

/abcnews.al

ilir-metaaa-1.jpg
eri Ida10:29 | 19/02/2020

Kreu i shtetit Ilir Meta publikon mesditën e kësaj të mërkure të tjera prova për atë që ai e quan grusht shteti nga qeveria.

Presidenti  në një tjetër konferencë për mediat, dy ditë pasi publikoi fakte për kreun e KED Ardian Dvorani, për të cilin depozitoi një shtesë në kallëzimin penal.

Në një postim në Facebook, zëdhënësi i Presidentit Meta, Tedi Blushi lajmëron se konferenca do të mbahet në orën 12:30.

“Presidenti i Republikës Sh.T.Z Ilir Meta do të japë sot, në ora 12:30 një konferencë për shtyp. PROVA TË REJA PËR GRUSHTIN E SHTETIT”, shkruan Blushi.

“Presidenti Meta ka paralajmëruar se do të shpallë prova të reja, pasi ai ka bërë thirrje se po bëhet një grushti shteti. Presidenti Meta ka dorëzuar në SPAK prova shtesë në adresë të Ardian Dvoranit, ai është fokusuar të formula e re e betimit që anashkalon presidentin”, tha për “Abc News” gazetarja Erneta Shevroja.

/abcnews.al

9w1280c0.bild_.jpg
eri Ida22:49 | 17/02/2020

Presidentja e Komisionit Europian Ursula Von der Leyen vijon reagimet e saj pas mbylljes së Konferencës së Donatorëve në kuadër të ndihmës ndaj Shqipërisë për rindërtimin pas tërmetit të 26 nëntorit.

Përmes një postimi në Twitter, presidentja e KE shkruan se është e emocionuar pasi gjatë Konferencës së Donatorëve Shqipërisë iu dhanë 1.15 miliardë euro në formë grantesh, programesh apo huash.

Këtë të hënë ajo ka theksuar se mbledhja e një shume të tillë në Bruksel është tregues i solidaritetit të komunitetit ndërkombëtar./abcnews.al

basha7.png
eri Ida19:01 | 17/02/2020

Kryetari i Partisë Demokratike ka reaguar menjëherë pas mbylljes së Konferencës së Donatorëve në Bruksel ku është arritur që të grumbullohet fatura prej 1.15 miliardë euro në kuadër të rindërtimit pas tërmetit të 26 nëntorit 2019.

Përmes një postimi në profilin e tij në Facebook Basha shkruan se detyra e të gjithëve tashmë është të bëjmë gjithçka që këto kontribute të shërbejnë vërtet për ndihmë ndaj njerëzve në nevojë.

Ndër të tjera kryedemokrati është shprehur se është e rëndësishme që të nisë menjëherë puna dhe fondet të përdoren me përgjegjshmëri dhe transparencë për të ndalur keqpërdorimin dhe abuzimin me to.

Të gjitha donacionet ndërkombëtare për popullin shqiptar për dëmet e pas tërmetit të 26 nëntorit janë të bekuara dhe të mirëpritura. Falenderime dhe mirënjohje për çdo vend, çdo organizatë dhe çdo institucion ndërkombëtar që i gjendet pranë qytetarëve shqiptarë në këtë moment të vështirë. Detyra jonë është të bëjmë gjithçka që këto kontribute të shërbejnë vërtet për ndihmë ndaj njerëzve në nevojë. Është e rëndësishme që të nisë menjëherë puna dhe fondet të përdoren me përgjegjshmëri dhe transparencë për të ndalur keqpërdorimin dhe abuzimin me to”, shkruan Basha.

auto_rrenimet_termeti_shqiperi_-_r1574888004-727x450-1.jpg
eri Ida15:54 | 17/02/2020

Në Bruksel këtë të hënë është zhvilluar Konferenca e Donatorëve për Shqipërinë, e cila me 26 nëntor të 2019 është goditur nga një tërmet shkatërrimtar me 51 viktima, qinra të plagosur e  mijëra ndërtesa të rrënuara.

Mënjëherë pas mbylljes së fjalës nga liderët pjesmarrës në këtë konferencë, të pranishmit kanë parë një video nga tërmeti tronditës në Shqipëri që tregonte pamjet rrëqethëse të Durrësit dhe Tiranës, ditën e tërmetit.

Bruksel🇪🇺 – KONFERENCA E DONATORËVE🇦🇱#TogetherForALBANIA#SëBashkuPërSHQIPËRINË🤝

Gepostet von Edi Rama am Montag, 17. Februar 2020

Pjesë e kësaj konference ishin zyrtarë të lartë nga 100 shtete, të cilët u njohën nga afër me pasojat katastrofike të tërmetit, si dhe dëgjuan lotët e shqiptarëve të prekur nga kjo fatkeqësi natyrore, të cilët kërkojnë një shtëpi, pasi 26 nëntorin e gdhinë në qiell të hapur./abcnews.al

 

 

52386024_401.jpg
eri Ida07:50 | 15/02/2020

Bashkimi Evropian dhe SHBA nuk ia kanë kthyer shpinën Ballkanit Perëndimor. Ky ishte mesazhi që dhanë organizatorët e takimit për Ballkanin Perëndimor, siç merret vesh nga burime të informuara mirë. Debati i organizuar të premten në mbrëmje në Mynih ka zgjuar një interesim jashtëzakonisht të madh. Në tubim ishin organizatori i Konferencës së Mynihut Wolgang Ischinger, shefi i diplomacisë evropiane, Joseph Borell, presidenti i Kosovës Hashim Thaçi, ai i Serbisë Aleksandar Vuçiq, kreu i shtetit të Malit të Zi Milo Gjukanoviq, të Maqedonisë së Veriut, Pendarovski, kryeministri i Shqipërisë Edi Rama, lideri bullgar Boiko Borisov dhe shumë personalitete të tjera. Megjithatë me shumë interes në këtë takim është pritur edhe paraqitja e kryeministrit të Kosovës Albin Kurti, i cili ishte për herë të parë pjesë e këtyre takimeve.

Takimi me dyer të mbyllura

Takimi u zhvillua me dyer të mbyllura sipas parimit “Chatam Haus”, që do të thotë se pjesëmarrësit nuk kanë të drejtë të publikojnë detaje nga takimi. Megjithatë në rrjetet sociale është publikuar një video e fjalimit të kryeministrit Kurti, i cili është deklaruar kundër idesë së tanishme të Minishengenit, duke kërkuar që kjo ide të kthehet në kuadër të Procesit të Berlinit. Kurti ka paraqitur edhe tri parime për bisedime me Serbinë. I pari – s’ka marrëveshje pa dialog. I dyti – s’ka dialog me harta dhe i treti – pa presidentë rreth hartave”. Në këtë mënyrë ai kritikoi drejtpërdrejt presidentin Thaçi dhe atë Vuçiq, por edhe kryeministrin Rama, për të cilin në media u përhapën zëra, se ka qenë i përfshirë në çështjen e ndryshimit të mundshëm të kufijëve të Kosovës dhe Serbisë.

Atmosfera e nxehtë

Nga burime të DW-s është mësuar, se presidenti i Serbisë Vuçiq ishte më së shumti i shqetësuar pas pohimeve të Kurtit se “bota e ka ndihmuar Kosovën të çlirohet nga Serbia, tani duhet të ndihmojë Serbinë të çlirohet nga Kosova”, sepse ajo paraqet vetëm ngarkesë për Serbinë.Nga burime të informuara mirë po ashtu mësohet, se Vuçiq i ka kundërshtuar këto pohime me fjalët se “Kosova ende është pjesë e Serbisë sipas Rezolutës 1244 dhe se Kosovën ende nuk e kanë njohur gjysma e shteteve anëtare të OKB dhe më shumë se gjysma e popullatës botërore”.

Kurti ishte në këtë takim i vetmi, i cili ka kërkuar që të gjashtë shtetet e Ballkanit Perëndimor t’i bashkëngjiten Bashkimit Evropian njëkohësisht. “Nëse një apo dy shtete hyjnë para tjerave në BE, do të ketë edhe më shumë probleme”, tha Kurti i cili ka kundërshtuar idenë e Minishengenit dhe shtoi se vendeve të Ballkanit i duhet tani një ‘Mini-Marshall Plan’.

Mbrojtësit e Minishengenit

Vendet, të cilat kanë nisur iniciativën për Minishengen e kanë mbrojtur këtë ide, me fjalët se ajo ofron lëvizje të lirë të njerëzve dhe mallrave. Përfaqësuesit e këtyre vendeve kanë pohuar se kjo ide rrjedh edhe nga Procesi i Berlinit. Mësohet se njëri prej tyre ka hedhur poshtë edhe të gjitha pohimet se ai mbron ndonjë ide për krijimin e ndonjë Jugosllavie të tretë dhe ka përdorur madje edhe fjalë si ato – boll më këtë “bullshit”.

Një ndër temat më të trajtuara ka qenë domosdoshmëria e hapjes së një perspektive më të qartë të vendeve të Ballkanit Perëndimor për anëtarësim në BE. Ka pasur dallime mes folësve për procedurat që duhen ndjekur deri në anëtarësim dhe mënyrën e anëtarësimit. Por të gjithë folësit ishin të mendimit se perspektiva e vendeve të BP për anëtarësim në BE duhet të mbahet e hapur.

Një prej folësve ka kritikuar edhe tendencat jo evropiane në Ballkan, duke sugjeruar se në Ballkan ka vende dhe shtete të cilat frenojnë dhe pengojnë këtë rrugë. Ai nuk ka emërtuar qartë se cilat vende janë këto, po megjithatë mendohet se fjala është për vendet më të afërta me Rusinë.

Nga burime të mirëinformuara marrim vesh se presidenti i Kosovës Hashim Thaçi ka kërkuar një angazhim më të fuqishëm të BE në zgjidhjen e problemeve, në radhë të parë për liberalizimin e vizave për kosovarët. BE është kritikuar për mosveprim dhe neglizhencë, ndërsa kosovarët ndjehen të mashtruar nga BE, sepse Kosova i ka plotësuar të gjitha kushtet e kërkuara. Nga BE kërkohet më shumë unitet në zgjidhjen e problemeve të ngjashme, por edhe në procesin e zgjerimit. Disa herë është përmendur edhe domosdoshmëria e hapjes së negociatave për anëtarësimin e Shqipërisë dhe Maqedonisë së Veriut në BE. Kjo do të jetë edhe një prej temave që do të trajtohen në takimet e ardhshme të BE në Bruksel dhe në veçanti në samitin e Zagrebit në maj./DW

agim-nesho.jpg
eri Ida12:34 | 11/02/2020

Diplomati Agim Nesho nga studio e abcneës.al ka komentuar vizitën e kryeministrit Albin Kurti në Tiranë, ku ka theksuar se  ishte më dominuar në agjende se kryeministri Rama.

Përballë gazetares Juli Xhakoxhi, Nesho ka deklaruar se vizita e tij në tiranë dhe ajo çfarë prezantoi e ka vënë në vështirësi  Edi Ramën.

“Çfarë ndjesie ju dha konferenca mes dy kryeministrave ne kemi parë dhe vizita të tjera mes kryeministrash dhe duket se kishte tension. Kurti ishte më dominues në agjende duke insistuar se makroshengeni duhet të dominoj dhe faktin se Shqipëria për diskutimet në minishengenin ballkanik ka vendos pa e pyetur Kosovën. Kosova dhe interesat me të janë të panegociueshme.  Kurti ishte i qartë në modelin që prezanton, vizita e tij në Tiranë dhe në konferencën e përbashkët vendosi në tension Ramën. Ne dhe ato që kanë punuar deri më sot bëjnë gabim pasi elementin e çështjes shqiptare e shikojnë të bashkuarm, ashtu siç e shikon Serbia. Por nuk mund të ketë çështje shqiptare të përbashkët”, është shprehur diplomati.

Ndër të tjera nga studio e abcnews.al, diplomati është shprehur se dy kryeministrat janë të një profili pasi janë populist por secili prej tyre është i ndryshon në atë që përfaqëson në vetvete gjatë rrugëtimit që ka bërë në politikë. Kryeministri i Kosovës është një person që  figurë të pastër sipas tij.

“Kryeministri Kurti vendosi agjenden që në momentin që tha se vizitën e parë e bëra te fshati i Jasharit, vajten në Mitrovicë dhe së treti theksoi se vinte në Shqipëri, duke e theksuar se janë dy vende të ndara juridikisht, por jemi një komb i përbashkët. Kjo bëri që Rama të vendosur në një pozicion mbrojtës duke mbrojtur procesin e minishengenit Ballkanik. Ndërkohë duket që Evropa dhe Ushingtoni janë shumë skeptikë në lidhje me këtë minishingen dhe e dyta që lidhet me atë që Palmer tha sot se Rusia kërkon të krijojë një vatër në Ballkan. Të dy liderat janë populist njëri është idealist që ka luftuar deri në fund për të fituar atë post që ka dhe është një ndër  Rama është një populist i karakteri tjetër demagog që mori një parti të madhe ku theksoi se minishengeni shqiptar nuk ka kuptim pa atë ballkanik,” tha Nesho.

Gjithashtu nga ABC Neës diplomati është shperr se agjenda e Kurtit ishte e kopsitur dhe takimi me liderin e Partisë Demokratike Lulzim Basha, tregon se ai atë e shikon si një lider të ardhshëm dhe mundësitë e bashkëpunimit mund të jenë të larta./abcnews.al

 

albin-kurti-edi-rama-2-1280x581.jpg
nev ila11:06 | 11/02/2020

Kryeministri Edi Rama ka nisur konferencën për mediat me kreun e qeverisë së Kosovës, Albin Kurtin. Në fjalën e tij Rama tha se mes dy qeverive do ketë një mbledhje të përbashkët në Shkodër, dhe një komision ndërshtetëror për të ndjekur ecurinë e marrëveshjeve mes dy shteteve.

“Kemi filluar përgatitjet për mbledhjet e dy qeverivë e cila do të mbahet në Shkodër.

Do të jetë një mbledhje produktive e të dy qeverive.

Do të vendosim në funksion një komision ndërshtetëror, të përbërë nga ministra dhe përfaqësues të komisioneve parlamentare për të ndjekur ecurinë e marrëveshjeve, për të identifikuar problematikat në zbatimin e tyre dhe për të adresuar mbledhjet e dy qeverive në funksion, qoftë të arritjeve, qoftë të vendimmarrjeve të tjera.

Kemi diskutuar me kryeministrin Kurtin për procesin e Berlinit, dhe do të vazhdojmë të flasim për të harmonizuar veprimet, dhe hapat në funksion të nismës për implementimin e 4 lirive themelore të Bashkimit Europian në rajonin tonë, ku për ne bashkëpunimi me Kosovën mbetet prioritet i prioriteteve.

Për mua nëse nuk realizojmë lëvizjen e plotë të të njerëzve, të mallrave, të shërbimeve nuk e kemi kryer detyrë tonë ndaj të ardhmes dhe njerëzve tanë.

Është themeleore të jemi të gatshëm të angazhuar për të hequr kufirin mes dy shteteve.

Dua të theksoj se jemi 100 % në mbështetje të Kosovës në betejën për të çuar përpara procesin  e njohjes së plotë dhe të afirmimit të plotë përfundimtar si një shtet sovran dhe demokratik, në të gjitha instancat dhe në raport me të gjitha shtetet dhe institucionet”, tha Rama. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono