Sekretari amerikan i Shtetit, Antony Blinken është aktualisht në vizitën e tij të tretë në Lindjen e Mesme që nga sulmet e 7 tetorit.
Pasditen e së enjtes, ai u takua me presidentin palestinez Mahmud Abbas në zyrën e tij në Ramallah, në Bregun Perëndimor, shkruan Sky News.
Blinken zhvilloi një takim edhe me Benjamin Netanyahun dhe kabinetin e tij të luftës më herët në Jerusalem përpara se të udhëtonte për të takuar Abbasin, i cili ka udhëhequr Autoritetin Palestinez që nga viti 2005.
Zëdhënësi i tij tha se Blinken u tha udhëheqësve izraelitë se ata duhet të sigurojnë që civilët palestinezë në Gazën jugore të jenë të sigurt dhe nevojat e tyre humanitare të plotësohen përpara se të rifillojnë operacionet ushtarake atje./abcnews.al
