Me 98 vota pro, Artur Metani u zgjodh Inspektor i Lartë i Drejtësisë. Për 9 vitet e ardhshme, ai do të jetë personi që do të hetojë prokurorët, gjyqtarët, anëtarët e KLGJ, anëtarët e KLP, dhe Prokurorin e Përgjithshëm.
Artur Metani ka një karrierë të spikatur juridike dhe aktualisht mbante postin e Avokatit të Përgjithshëm të Shtetit. Megjithkëtë, kandidimi dhe përzgjedhja e tij u kritikuan nga opozita si kapje e drejtësisë nga Edi Rama, për shkak se Metani është vëllai i Eglantina Gjermanit.
Për këtë arsye, deputetja socialiste deklaroi qysh në fillim të seancës konfliktin e interesit, dhe nuk mori pjesë në votim.
Kuvendi miratoi edhe propozimin e Partisë Socialiste që Milva Ikonomi të jetë kryetarja e re e Komisionit të Ekonomisë në vend të Ahmetajt, dhe Mirela Kumbaro të jetë nënkryetare e Komisionit të Medias./abcnews.al
.
