Biznesmeni Samir Mane ka rrëfyer hapat e parë të jetës së bzinesit për të në Shqipëri. I ftuar në emisionin “Tiranë Prishtinë, ku gabuam?”, Mane ka rrëfyer se ai në vendin tonë ka ardhur relativisht i pasur pasi kishte punuar për 14 vjet në Europë.
Sipas Manes në Shqipëri në fillim e ka pasur shumë të vështirë të hapë biznes. Madje sipas tij edhe babai i kishte dalë kundër kur kishte menduar të hapë një qendër tregtare.
“Është e vërtetë që në Shqipëri kam ardhur i pasur. Pasuria ka definicionet e veta. Varet sa i pasur. Kam ardhur pasi ndërtova një kompani në Austri dhe kam punuar për 14 vjet atje. Vendosa të kthehem në Shqipëri në vitin 2004, se nevoja e biznesit në atë kohë e para qendër tregtare që ndërtova në vend donte prezencën time këtu. Në atë kohë ishte shumë e vështirë edhe perceptimi për qendër tregtare apo për rrjet supermarketesh. Nuk ishin mësuar shqiptarët të shikonin 20 mijë produkte në super market. Edhe pse me dyshimin e shumë njerëzve dhe baba im në krye që më thoshte pse njerëzit duhet të vijnë në autostradë të blenë domate. Pro që ditët e para njerëzit shpërthyen.” tha Mane./abcnews.al/
