Kryeministri i Kosovës, Albin Kurti, u ka bërë thirrje qytetarëve që të vaksionohen kundër COVID.
Përmes një videomesazhi ai gjithashtu njoftoi se sot është tejkaluar administrimi i 1.6 milionë vaksinave, ku 64% e qytetarëve në Kosovë janë vaksinuar me një dozë, ndërsa më shumë se gjysma, 56%, janë vaksinuar me dy doza.
“Ata që kanë ende dyshime, ju bëj apel që për hir të shëndetit personal, të familjes dhe shoqërisë, t’i kapërcejnë paragjykimet për vaksinat”, ka thënë ai.
Sakaq, Kurti u bëri thirrje prindërve dhe mësimdhënësve që t’i inkurajojnë të rinjtë që të vaksinohen. Kurti e quajti gjendjen në Kosovë me pandeminë, më të mirën në rajon dhe Evropë.
