Rrugët e Serbisë janë mbushur me grafite ku shkruhet “Kur të kthehet ushtria në Kosovë…”, që si slogan për herë të parë u pa në një ndeshje futbolli në të cilën mori pjesë edhe ish-ministri i Millosheviçit, presidenti aktual i Serbisë, Aleksandër Vuçiç.
Ekspertja serbe e sigurisë që jeton në Shtetet e Bashkuara të Amerikës, Ivana Stradner, duke shpërndarë një video ku shihet duke u punuar një lloj i tillë grafiti në një rrugë të Serbisë tha se kjo është e rrezikshme.
“Kështu funksionon lufta hibride. Është e rrezikshme”, shkroi ajo në Twitter.
“When the army returns to Kosovo…”
Serbian government is setting informational conditions for more escalations in Kosovo. This is how hybrid warfare works. It’s dangerous. pic.twitter.com/W2LeUA98jl
— Ivana Stradner ???? (@ivanastradner) August 1, 2023
Ndërsa, edhe eksperti kosovar i sigurisë, Agim Musliu, shkroi se kjo është rruga që ndjek një ish-ministër i propagandës e cila dy dekada më parë ishte ndërprerë nga NATO.
“E gjithë Serbia është mbushur me këtë lloj grafiti. Për këtë është i specializuar Vuçiq! Si ministër i propagandës së Millosheviçit, atij i pëlqen të vazhdojë rrugën e tij, të thyer nga NATO më 1999”, shkroi Musliu.
All #Serbia is fullfield with this types of graffiti. This is what #Vucic is specialized for! As Milosevic’s propaganda minister, he likes to countinue his way, broken by @NATO in 1999. https://t.co/LLMo4EX0gV
— Agim Musliu (@agim_musliu) August 2, 2023
Reagime të ashpra ndaj parullave të tilla në Serbi ka pasur në Kosovë si dhe disa personalitete ndërkombëtare.
/KosovaPress/
