Loading ...
Më shumë se tri pikët, futbollistët e kombëtares së Shqipërisë morën edhe një mësim të mirë në sfidën kundër San Marinos. Paraqitja në “Air Albania” la për të dëshiruar dhe ky fakt duket se e prishi festën në dhomat e zhveshjes. Konfirmimi vjen nga fjalët e vetë lojtarëve, ku ata më veteranë, si kapiteni Gjimshiti, Hysaj dhe Ismajli publikisht “i tërheqin veshin” atyre më të rinj.
Në një sfidë, që mund të kthehej në një katastrofë të vërtetë, hero u kthye Kristjan Asllani, autor I dy golave të fitores. Por edhe mesfushori frenon lumturinë, duke iu bashkuar mendimit të shokëve të tij.
Kombëtarja e Shqipërisë do të kthehet në fushë në mesin e nëntorit për dy ndeshjet e mbetura në Ligën e Kombeve kundër Finlandës dhe Bjellorusisë.
