Me fillimin e sezonit turistik, Lezha kthehet në qytetin me trafik të rënduar në rrugë. Kjo për shkak se kryeqëzimi dhe rruga drejt Shëngjinit nuk e përballon dot fluksin.
Drejt Shëngjinit hyjnë të gjithë njëherësh. Kamione e makina të vogla. Rruga është e ngushtë e për këmbësore nuk ka vend.
Trafiku në Lezhë do të jetë i pashmangshëm për ditët e nxehta. Kjo referuar hyrjes së Shëngjinit që prej vitesh ka rezultuar të jetë shkaku kryesor. Asnjë masë e Policisë Rrugore me shtim patrullash nuk ka mundur ta zgjidhë problemin.
Një mundësi e vogël është vetëm një segment dytësor në fshatin Ishull Shëngjin. Shërben vetëm sa për të boshatisur fluksin nga Shëngjini drejt superstradës dhe është një kalimshe.
Njerëzit këtu e shohin kryqëzimin e Shëngjinit si kryqëzim vdekje dhe aspak të përshtatshëm për në zonë turistike.
Problem do të jetë edhe qendra e Shëngjinit. Rruga me gropa do të shoqërojë sezonin veror pasi prej vitesh ende nuk ështëinvestuar. Por vendoret shmangën nga përgjegjësitë.
Përshkak të numrit të lartë të automjeteve, trafiku i verës në Shëngjin arrin në disa kilometra, kurse hyrja e tij shkaku kryesor./abcnews.al
