Entela Prifti, kryetarja e Gjykatës së Apelit Korçë, ishte gjyqtarja e radhës që doli para Komisionit të Pavarur të Kualifikimit. KPK kaloi në filtër vetëm kriterin e pasurisë, ku u konstatuan një sërë problematikash. Një denoncim anonim kishte zbuluar 4 apartamente në Tiranë, në emër të familjarëve të gjyqtares, që sipas KPK, nuk kishin mundësi financiare t’i blinin.
Komisioni i Pavarur i Kualifikimit kishin vlerësuar se kriteri i pasurisë ishte i mjaftueshëm për t’i bërë vettiungun kryetares së Gjykatës së Apelit Korçë, Entela Prifti.
Relatimi i KPK-së nisi me një karton të kuq të dhënë nga ILDKPKI. Në raportin e përckellë tek njerëzit e vettingut, ILDKP fliste për deklarim të pasaktë nga ana e gjyqtares Prifti, mungesë burimesh të ligjshme, fshehje pasurie dhe deklarime të rremë.
Problematika të tilla ishin konstatuar edhe gjatë hetimit të thelluar administrativ të zhilluar nga KPK. Gjyqtarja dhe bashkëshorti i saj zotëronin një sërë pasurish të patundshme në qytetin e Korçës. Mes tyre ishte një apartament 55 m2 dhe një duplex 250 m2. Sipas Komisionit kishte mungesë dokumentacioni ligjor justifikues për të ardhura të ligjshme dhe po ashtu mospërputhje në deklarimet për shitjen e një apartamenti në bashkëpronësi me prindërit e saj.
Gjyqtarja dhe bashkëshorti ishin zotër edhe të një banesë tre katëshe në bulevardin Republika, katet e së cilës ishin shndërruar në lokale dhe dyqane. Bashkëshorti i gjyqtares ishte pronar i një njësie tregtare prej 500 metër2, që sipas KPK vlera e deklaruar si kostot ndërtimi ishte më e ulët se kostoja e kohës.
Sipas Komisionit, Prifti nuk kishte deklarua disa llogari bankare, depozitat në emër të fëmijëve, një kredi te bashkeshortit, si edhe një transferët jashtë vendit dhe disa likuiditete bankare të tij.
KPK kishte hetuar edhe mbi një denoncim anonim, që fliste për 4 apartamente të fshehura të gjyqtares në Tiranë, në emrin e familjarëe të saj. Aartamentet ekzistonin dhe ndodheshin prapa ish-ekspozitës, pranë Presidencës, pranë qendrës dhe një tjetër në rrugën e Elbasanit në emër të babait, vëllait dhe motrës së gjyqtares. KPK tha se asnjë nga familjarët e gjyqtares nuk kishte burime te mjaftueshme financiare per sigurimim e ketyre pasurive.
Problematikat e konstatuara nga KPK u kundërshtuan nga ana e gjyqtares. Ajo pretendoi se kishte bërë deklarimet të sakta ndër vite dhe se pasuritë e saj ishin të justifikuara. Të njëjtin qëndrim ajo mbajti edhe për apartamentet në Tiranë duke paraqitur disa dokumente shtesë, si provë, që familjarët e saj kishin pasur mundësi paguese. /abcnews.al
