Loading ...
Ushtruesja e detyrës së presidentit të Kosovës, Albulena Haxhiu, e ka shpallur 7 qershorin si datë për mbajtjen e zgjedhjeve të reja të parakohshme parlamentare – të tretat brenda rreth një viti e gjysmë.
Vendimi i Haxhiut të enjten vjen pak pas mbajtjes së një takimi me liderë dhe përfaqësues të partive politike në vend për caktimin e datës së zgjedhjeve.
Analisti Lavdim Hamidi tha se Vjosa Osmani pritet brenda pak ditësh të zyrtarizojë pjesëmarrjen në listën e deputetëve të Lidhja Demokratike e Kosovës. Sipas tij, rezultati maksimal i Lëvizja Vetëvendosje në zgjedhjet e fundit erdhi si pasojë e pjesëmarrjes së diasporës, ndërsa më 7 qershor nuk pritet i njëjti mobilizim. Hamidi shtoi se mungesa e një aleance mes Osmanit dhe Albin Kurti, si dhe mundësia e lirimit të ish-krerëve të UÇK-së nga Haga, mund të çojnë në rënie të ndjeshme të Vetëvendosjes krahasuar me vitin 2021.
” Osmani brenda pak ditësh pritet të zyrtarizojë pjesëmarrjen në listën e deputetëve në LDK dhe do të jetë drejtuese e listës në këto zgjedhje. Zgjedhjet e fundit kanë qenë data kur VV ka arritur maksimumin që një subjekt politik mund të arrijë dhe ka ndodhur si rezultat i pjesëmarrjes së diasporës. Më 7 qershor nuk pritet një numër i tillë dhe kjo e dëmton. Nuk do të jenë aleatë Osmani dhe Kurti dhe votat që kanë shkuar nga LDK në VV, një pjesë e madhe e tyre do të shkojë drejt LDK. Nëse lirohen nga Haga ish-krerët e UÇK-së, Vetëvendosja di të ketë rënien më të madhe që nga 2021.”
