Loading ...
Është bërë publik projekti fitues i konkursit ndërkombëtar për rikonceptimin dhe zhvillimin e “Tirana Fountain Tower”.
Konkursi është fituar nga studioja e arkitekturës “Bjarke Ingels Group” (BIG), e cila u përzgjodh mes pesë propozimeve të paraqitura.
Në prezantimin e projekteve ishte i pranishëm edhe kryeministri Edi Rama. Gjatë fjalës së tij, ai u shpreh se ndërhyrja e re synon të transformojë një prej zonave historike të Tiranës, duke i dhënë asaj një funksion dhe pamje të përshtatur me zhvillimin dhe ambiciet e kryeqytetit.
Projekti fitues pritet të përcaktojë një qasje të re për zhvillimin e kësaj hapësire, e cila konsiderohet një prej pikave me rëndësi në qendrën e Tiranës.
